ქარტიის საბჭომ 22 სექტემბერს განიხილა სოფელ აცანაში ლანჩხუთის მერის წარმომადგენელის, რწმუნებულის იზა მათითაიშვილის, განცხადება“მთავარი არხის” ჟურნალისტების წინააღმდეგ.

საბჭომ სამი სადავო მასალა შეისწავლა:

1. ”სოციალური სტატუსი იძულებითი შრომის სანაცვლოდ” 27 ივლისი 18:00 სთ.-იანი “მთავარი”

2. ”სოციალური სტატუსი იძულებითი შრომის სანაცვლოდ”  28 ივლისი 12:00 სთ.-იანი “მთავარი”

3.  ”სამსახური იძულებითი შრომის სანაცვლოდ” 6 აგვისტო 21:00 სთ.-იანი “მთავარი”

განმცხადებლის განმარტებით, ჟურნალისტებმა მომზადებულ მასალებში სათანადოდ არ გადაამოწმეს ფაქტები და მის შესახებ არაზუსტი ინფორმაცია განზრახ გაავრცელეს.

ქარტიის საბჭომ პირველ სიუჟეტში დაადგინა პირველი და მე-5 პრინციპების დარღვევა, ხოლო დანარჩენ ორში პირველი, მე-5 და მე-11 პრინციპების.

განმცხადებელი დავობდა ქარტიის მე-3 პრინციპზეც, თუმცა საბჭოს გადაწყვეტილებით, სადავო სიუჟეტებში მე-3 პრინციპი არ დარღვეულა. 

მოპასუხე ჟურნალისტებს განხილვაში მონაწილეობა არ მიუღიათ და  საქმეზე პოზიციაც არ წარმოუდგენიათ.

გადაწყვეტილების სამოტივაციო, დასაბუთებული ნაწილი გამოქვეყნდება მოგვიანებით.

საქართველოს ჟურნალისტური ეთიკის ქარტიას მომართა მამუკა ყუფარაძემ საკუთარი თავის წინააღმდეგ. 

მას სურს მისივე გადაცემის: “სადავო კანონი - საუბარი ზაალ ანჯაფარიძესთან - ტელედისკუსია - სტუდია რე” - ეთიკის ნორმებთან შესაბამისობის შემოწმება.

სადავო მასალა “სტუდია რე”-ს იუთუბ არხზე 14 ივნისს გამოქვეყნდა. გადაცემაში ნაჩვენებია ერთ-ერთი  პირის ფოტოსურათი.

განმცხადებელი უთითებს ქარტიის მე-4; მე-5, მე-7 და მე-10 პრინციპების სავარაუდო დარღვევაზე.

 განცხადებას ქარტიის  საბჭო განიხილავს და გადაწყვეტს სადავო მასალაში ქარტიის პრინციპების დარღვევის საკითხს.

22 სექტემბერს ქარტიის საბჭომ განიხილა მზია კობერიძის განცხადება “ტვ მონიტორინგის” არაიდენტიფიცირებული ჟურნალისტის წინააღმდეგ და დაადგინა, რომ სადავო მასალაში დაირღვა ქარტიის პირველი პრინციპი.

სადავო მასალა “ტვ მონიტორინგის” ფეისბუქ და იუთუბ გვერდებზე 13 და 14 აგვისტოს გამოქვეყნდა. ის ეხებოდა “გორმედის” სამშობიაროში 30 წლამდე მშობიარე ქალის გარდაცვალების ფაქტს.

განმცხადებელი დავობდა ქარტიის პირველი (სიზუსტე) პრინციპის დარღვევაზე.

მისი განმარტებით, აღნიშნული მედია პროდუქტი მხოლოდ "გორმედის" პოზიციას ასახავდა, ჟურნალისტმა კომენტარი არ სთხოვა 30 წლის გარდაცვლილის მშობლებსა და ახლობლებს  და საზოგადოება შეცდომაში შეიყვანა.

მოპასუხე მხარეს საქმეზე პოზიცია არ წარმოუდგენია.

გადაწყვეტილების სამოტივაციო ნაწილი მოგვიანებით გამოქვეყნდება.

22 სექტემბერს ქარტიის საბჭომ განიხილა ნენე (ნესტან) დალაქიშვილის განცხადება ტელეკომპანია “იმედის” არაიდენტიფიცირებული ჟურნალისტის წინააღმდეგ და დაადგინა, რომ სადავო მედიაპროდუქტში დაირღვა ქარტიის პირველი, მე-5 და მე-11 პრინციპები.

სადავო მედიაპროდუქტი 24 აგვისტოს “იმედის” ფეისბუქ გვერდზე გამოქვეყნდა “ქარდის” სახით. მასში განმცხადებელი მოხსენიებული იყო “ნაცმოძრაობის” აქტივისტად.

განმცხადებელი დავობდა ქარტიის პირველი (სიზუსტე), მე-5 (შესწორება), მე-7 (დისკრიმინაცია) და მე-11 (ფაქტის განზრახ დამახინჯება) პრინციპების დარღვევაზე. 

ქარტიის საბჭოს მსჯელობის შედეგად დადგინდა ქარტიის პირველი, მე-5 და მე-11 პრინციპების დარღვევა, თუმცა საბჭოს გადაწყვეტილებით, სადავო მასალაში მე-7 პრინციპი არ დარღვეულა.

გადაწყვეტილების სამოტივაციო ნაწილი მოგვიანებით გამოქვეყნდება.

ქარტიის საბჭომ 22 სექტემბერს განიხილა საქართველოს მუსიკოსთა პროფესიული კავშირის განცხადება “ინდიგოს” რედაქტორის თამარ ბაბუაძის წინააღმდეგ.

სადავო მასალა “ინდიგოს” ფეისბუქ გვერდზე 5 აგვისტოს გავრცელდა და ეხებოდა ღია კარიერული წესით მანგანუმის მოპოვების მოწინააღმდეგე სოფელი ზოდის მაცხოვრებლების მხარდამჭერ მუსიკალურ ფესტივალს.  

განმცხადებელი დავობდა  ქარტიის პირველი (სიზუსტე) პრინციპის დარღვევაზე. მისი განმარტებით, სადავო მასალაში არ იყო ნახსენები ფესტივალის სათაური და ორგანიზატორი, რითაც მაყურებელს არ მიეწოდა ზუსტი ინფორმაცია.

დაირღვა თუ არა ქარტიის პირველი პრინციპი, ამის შესახებ გადაწყვეტილება საბჭომ ვერ მიიღო, ვინაიდან, ქარტიის წესდებით, გადაწყვეტილების მიღებისთვის აუცილებელია სულ მცირე საბჭოს 5 წევრი შეთანხმდეს ერთ პოზიციაზე, განსახილველ შემთხვევაში კი წევრთა ხმები გაიყო, ოთხი ხმა ორის წინააღმდეგ. შესაბამისად, საბჭომ გადაწყვეტილება ვერ მიიღო.

გადაწყვეტილების სამოტივაციო ნაწილი და საბჭოს წევრთა პოზიციები მოგვიანებით გამოქვეყნდება.

საქართველოს ჟურნალისტური ეთიკის ქარტიას ლელა გელხვიძემ განცხადებით მომართა ტელეკომპანია “იმედის” ჟურნალისტების წინააღმდეგ. 

სადავო მასალა “იმედის დღის” ეთერში და მათ ფეისბუქ გვერდზე 2024 წლის 18 სექტემბერს გამოქვეყნდა. სიუჟეტში ნაჩვენებია არასრულწლოვნების გამოკითხვა.

განმცხადებელი დავობს ქარტიის მე-8 (ბავშვის უფლებები) პრინციპის დარღვევაზე.

მისი განმარტებით, სიუჟეტში არასრულწლოვანის მონაწილეობისათვის საჭიროა მშობლის ინფორმირება და აღნიშნულზე მისი თანხმობა. ამასთან, მისთვის პრობლემურია გადაცემის ერთ-ერთი წამყვანის კრიტიკა, კონკრეტული მოზარდის მიმართ.

სადავო მასალაზე პასუხისმგებელ ჟურნალისტებად განისაზღვრნენ: სიუჟეტის ავტორი ნუცა მამულაშვილი და გადაცემის ერთ-ერთი წამყვანი მარიკა ბაკურაძე. 

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრიცნიპები.

საქართველოს ჟურნალისტური ეთიკის ქარტიის საბჭო 22 სექტემბერს, კვირას, 4 განცხადებას განიხილავს:

12:00 სთ - საქართველოს მუსიკოსთა პროფესიული კავშირი თამარ ბაბუაძის წინააღმდეგ.

სადავო მასალა “ინდიგოს” ფეისბუქ გვერდზე 5 აგვისტოს გავრცელდა. 

განმცხადებელი დავობს ქარტიის პირველი (სიზუსტე) პრინციპის დარღვევაზე. 

განმცხადებლის განმარტებით, სადავო მასალაში არ იყო ნახსენები ფესტივალის სათაური და ორგანიზატორი, რითაც მაყურებელს არ მიეწოდა ზუსტი ინფორმაცია.

13:00 სთ - ნენე დალაქიშვილი “იმედის” არაიდენტიფიცირებული ჟურნალისტის წინააღმდეგ.

სადავო მედიაპროდუქტი 24 აგვისტოს “იმედის” ფეისბუქ გვერდზე გამოქვეყნდა “ქარდის” სახით. 

განმცხადებელი დავობს ქარტიის პირველი (სიზუსტე), მე-5 (შესწორება), მე-7 (დისკრიმინაცია) და მე-11 (ფაქტის განზრახ დამახინჯება) პრინციპების დარღვევაზე. 

განმცხადებლის განმარტებით, მცდარია მისი “ნაციონალების აქტივისტად” მოხსენიება, აგრეთვე დამახინჯებულია მისი ფეისბუქ სტატუსის კონტექსტი, რამაც მის მიმართ ნეგატიური კომენტარები გამოიწვია და რაც მკითხველის შეცდომაში შეყვანას ემსახურება.

14:00 სთ - მზია კობერიძე “ტვ მონიტორინგის” არაიდენტიფიცირებული ჟურნალისტის წინააღმდეგ.

სადავო მასალა “ტვ მონიტორინგის” ფეისბუქ და იუთუბ გვერდებზე 13 და 14 აგვისტოს გამოქვეყნდა. ის ეხებოდა “გორმედის” სამშობიაროში 30 წლამდე მშობიარე ქალის გარდაცვალების ფაქტს.

განმცხადებელი დავობს ქარტიის პირველი (სიზუსტე) პრინციპის დარღვევაზე.

მისი განმარტებით, აღნიშნული გადაცემა ემსახურებოდა მხოლოდ "გორმედის" პოზიციის დაფიქსირებას, 30 წლის გარდაცვლილის მშობლების და ახლობლების გაღიზიანებას და საზოგადოების შეცდომაში შეყვანასა და მოტყუებას.

15:30 სთ -ლანჩხუთის მერის წარმომადგენელი იზა მათითაიშვილი “მთავარი არხის” ჟურნალისტების:  ირაკლი ბახტაძის; თეა ვაშალომიძის; რისმაგ ხოზრევანიძეის; მიშა იაშვილისა და “მთავარი არხის” არაიდენტიფიცირებული ჟურნალისტების წინააღმდეგ.

სადავო მასალა 3 მედიაპროდუქტისაგან შედგება, შესაბამისად, აღნიშნული განცხადება 3 საქმედ დაიყო:

1. ”სოციალური სტატუსი იძულებითი შრომის სანაცვლოდ” 27 ივლისი 18:00 სთ.-იანი “მთავარი”

2. ”სოციალური სტატუსი იძულებითი შრომის სანაცვლოდ”  28 ივლისი 12:00 სთ.-იანი “მთავარი”

3.  ”სამსახური იძულებითი შრომის სანაცვლოდ” 6 აგვისტო 21:00 სთ.-იანი “მთავარი”

ეს მედია პროპროდუქტები ეთერში 27 და 28 ივლისსა და 6 აგვისტოს გავიდა და ეხებოდა განმცხადებლის მხრიდან სამსახურებრივი მდგომარეობის შესაძლო ბოროტად, პირადი ინტერესებისთვის, გამოყენებას.

განმცხადებელი დავობს ქარტიის პირველი (სიზუსტე), მე-3 (დადასტურებული წყარო), მე-5 (შესწორება) და მე-11 (ფაქტის განზრახ დამახინჯება) პრინციპების დარღვევაზე. 

განმცხადებლის განმარტებით, ჟურნალისტებს არცერთ მათ მიერ გაშუქებულ ფაქტზე არ უცდიათ ინფორმაციის გადამოწმება და აღნიშნული სიუჟეტები ემსახურებოდა მხოლოდ იზა მათითაიშვილის პატივის, ღირსებისა და რეპუტაციის შელახვას. 

ქარტიის საბჭო განცხადებებს განიხილავს და გადაწყვეტს, დაირღვა თუ არა სადავო ჟურნალისტურ პროდუქტებში ქარტიის პრინციპები.

სხდომა წარიმართება ჰიბრიდულად. საქმის განხილვა ღიაა და ნებისმიერ მსურველს შეუძლია დასწრება: თბილისი, ბაქოს ქ. #4.  ელექტორნულად დასასწრები ბმულის მისაღებად, მოგვწერეთ ქარტიის ოფიციალურ მეილზე: ethicscharter@gmail.com 

ქარტია ეხმაურება 12 სექტემბერს ცესკოს თავმჯდომარის, გიორგი კალანდარიშვილის მიერ ბრიფინგზე მედიის საყურადღებოდ გაკეთებულ  განცხადებას. კალანდარიშვილმა მედიასაშუალებებს, კონკრეტულად კი „ტვ პირველს“, ადმინისტრაციის თანამშრომლების პერსონალური მონაცემების სავარადოდ კანონის საწინააღმდეგოდ დამუშავებაში დასდო ბრალი. ცესკოს თავმჯდომარე მათ, და მედიას საზოგადოდ, „ადმინისტრაციის წარმომადგენლებთან კომუნიკაციისას, კანონისა და ეთიკის ნორმების მოთხოვნის დარღვევის შემთხვევაში“, თანამშრომლობის საკითხის გადახედვით დაემუქრა.

„ტვ პირველის“ საინფორმაციო სამსახური ხელმძღვანელის, ნოდარ მელაძის განმარტებით, ცესკოს თავმჯდომარის გაღიზიანება ცესკოში დასაქმებული მაღალი თანამდებობის პირების ნათესაური კავშირების დასადგენად ტელეკომპანიის მიერ წამოწყებულმა ჟურნალისტურმა გამოძიებამ გამოიწვია. მელაძემ კალანდარიშვილის განცხადება შეაფასა როგორც ზეწოლა, შანტაჟი და მუქარა მათი იძულების მიზნით, შეწყვიტონ გამოძიება, და სამართლებრივი დევნის დაანონსება იმ პირობებში, როცა სასამართლო თავის გადაწყვეტილებებში არ არის თავისუფალი.

ჟურნალისტური ეთიკის ქარტია ცესკოს თავმჯდომარეს შეახსენებს, რომ მედიას აქვს უფლება, თანამდებობის პირებს დაუსვას ნებისმიერი შეკითხვა, რომელიც საჯარო ინტერესს ემსახურება, ხოლო თანამდებობის პირების ვალდებულებაა, ამ შეკითხვას დროულად და ამომწურავად უპასუხონ. საარჩევნო კომისიის ადმინისტრაციის თანამშრომლებსა და მმართველი პარტიის აქტიურ წევრებსა და მხარდამჭერებს შორის ნათესაური კავშირის დადგენა სწორედ ასეთ საჯარო ინტერესის საგანს წარმოადგენს, რამდენადაც მას არჩევნების ხარისხსა და შედეგებზე პირდაპირი გავლენის მოხდენა შეუძლია. ცესკოს ადმინისტრაციის თანამშრომელთა ნეიტრალურობა ცენტრალური საკითხია საარჩევნო პროცესის სანდოობის შესაფასებლად.

უკვე წლებია, საჯარო სტრუქტურები და საჯარო ინფორმაცია პრაქტიკულად დახურულია დამოუკიდებელი და კრიტიკული მედიისთვის. ეს გარემოება განსაკუთრებით შემაშფოთებელია წინასაარჩევნო ფაზაში, როცა არჩევნებთან დაკავშირებული საკითხების მიმართ საჯარო ინტერესი გამორჩეულად მაღალია. ცესკოს თავმჯდომარემ და სხვა მაღალი რანგის თანამდებობის პირებმა კარგად უნდა გააცნობიერონ თავიანთი პასუხისმგებლობა საზოგადოების მიმართ, რომლის ინფორმირებისთვისაც მუშაობს დამოუკიდებელი და კრიტიკული მედია, და მედიასთან ურთიერთობისას ამ პასუხისმგებლობის და კანონის მოთხოვნების შესაბამისად და საზოგადოების საუკეთესო ინტერესებიდან გამომდინარე იმოქმედონ.

საქართველოს ჟურნალისტური ეთიკის ქარტიას ნენე დალაქიშვილმა განცხადებით მომართა “იმედის” ჟურნალისტის წინააღმდეგ.

სადავო მედიაპროდუქტი 24 აგვისტოს “იმედის” ფეიბუქ გვერდზე გამოქვეყნდა “ქარდის” სახით, რომელშიც განმცხადებელი - “ფორმულას” პოლიტიკური გადაცემების პროდიუსერი,  მოხსენიებულია “ნაცმოძრაობის აქტივისტად”.

განმცხადებელი დავობს ქარტიის პირველი (სიზუსტე), მე-5 (შესწორება), მე-7 (დისკრიმინაცია) და მე-11 (ფაქტის განზრახ დამახინჯება) პრინციპების დარღვევაზე. 

განმცხადებლის განმარტებით, მცდარია მისი “ნაციონალების აქტივისტად” მოხსენიება, აგრეთვე დამახინჯებულია მისი ფეისბუქ სტატუსის კონტექსტი, რამაც მის მიმართ ნეგატიური კომენტარები გამოიწვია და რაც მკითხველის შეცდომაში შეყვანას ემსახურება.

მოპასუხე მედია საშუალებამ ქარტიის სამდივნოს არ აცნობა სადავო მასალებზე პასუხისმგებელი ჟურნალისტების/რედაქტორების ვინაობა. შესაბამისად, სადავო მასალაზე პასუხისმგებელ ჟურნალისტად განისაზღვრა “იმედის” არაიდენტიფიცირებული ჟურნალისტი.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.

საქართველოს ჟურნალისტური ეთიკის ქარტიას სოფელ აცანაში ლანჩხუთის მერის წარმომადგენელმა, რწმუნებულმა იზა მათითაიშვილმა, განცხადებით მომართა “მთავარი არხის” ჟურნალისტების წინააღმდეგ.

სადავო მედიაპროდუქტი რამდენიმეა:

1. ”სოციალური სტატუსი იძულებითი შრომის სანაცვლოდ” 27 ივლისი 18:00 სთ.-იანი “მთავარი”

2. ”სოციალური სტატუსი იძულებითი შრომის სანაცვლოდ”  28 ივლისი 12:00 სთ.-იანი “მთავარი”

3.  ”სამსახური იძულებითი შრომის სანაცვლოდ” 6 აგვისტო 21:00 სთ.-იანი “მთავარი”

ისინი ეთერში 27 და 28 ივლისსა და 6 აგვისტოს გავიდა და ეხებოდა განმცხადებლის მხრიდან სამსახურებრივი მდგომარეობის შესაძლო ბოროტად, პირადი ინტერესებისთვის, გამოყენებას.

განმცხადებელი დავობს ქარტიის პირველი (სიზუსტე), მე-3 (დადასტურებული წყარო), მე-5 (შესწორება) და მე-11 (ფაქტის განზრახ დამახინჯება) პრინციპების დარღვევაზე. 

განმცხადებლის განმარტებით, ჟურნალისტებს არცერთ მათ მიერ გაშუქებულ ფაქტზე არ უცდიათ ინფორმაციის გადამოწმება და აღნიშნული სიუჟეტები ემსახურებოდა მხოლოდ იზა მათითაიშვილის პატივის, ღირსებისა და რეპუტაციის შელახვას. 

მოპასუხე მედია საშუალებამ ქარტიის სამდივნოს არ აცნობა სადავო მასალებზე პასუხისმგებელი ჟურნალისტების/რედაქტორების ვინაობა. შესაბამისად, სადავო მასალაზე პასუხისმგებელ ჟურნალისტებად  განისაზღვრნენ სიუჟეტის ავტორებად მითითებული პირები: ირაკლი ბახტაძე; თეა ვაშალომიძე; რისმაგ ხოზრევანიძე; მიშა იაშვილი და “მთავარი არხის” არაიდენტიფიცირებული ჟურნალისტები.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტებში ქარტიის პრინციპები.