ჟურნალისტური ეთიკის ქარტიის აღმასრულებელი დირექტორი
2023 წლის დეკემბრიდან საქართველოს ჟურნალისტური ეთიკის ქარტიის აღმასრულებელი დირექტორია ლია ჩახუნაშვილი.

ლია ჩახუნაშვილმა 15 წლის განმავლობაში იმუშავა საქართველოში USAID-ის მიერ მხარდაჭერილ მედიის განვითარების ხელშემწყობ პროგრამებზე, რომელთაც IREX ახორციელებდა, პროგრამის ხელმძღვანელის და ხელმძღვანელის მოადგილის პოზიციებზე. სხვადასხვა დროს წვლილი შეიტანა ამავე სფეროში სხვა საერთაშორისო ორგანიზაციების (BBC World Service Trust, MDLF, IREX Europe) საქმიანობაში, როგორც პროგრამის დირექტორმა, კონსულტანტმა და მრჩეველმა. 2007-2009 წლებში იყო კავკასიის მედია სკოლის დეკანი კავკასიის უნივერსიტეტში, ხოლო 2010-2011 წლებში საზოგადოებრივი მაუწყებლის სამეურვეო საბჭოს წევრი.

ლია ჩახუნაშვილმა ჟურნალისტური განათლება თბილისის სახელმწიფო უნივერსიტეტში მიიღო. მას ასევე აქვს მეცნიერებათა მაგისტრის ხარისხი მასობრივ კომუნიკაციებში სან ხოსეს სახელმწიფო უნივერსიტეტიდან (აშშ).

ქარტიის აღმასრულებელი დირექტორები:

  • 2020, მარტი - 2023 სექტემბერი - მარიამ გოგოსაშვილი
  • 2019, ნოემბერი - 2020, თებერვალი - გიორგი მგელაძე
  • 2015-2019 - ნატა ძველიშვილი
  • 2013-2015 – თამარ რუხაძე
  • 2012-2013 – თამარ კორძაია