საგამოძიებო “სტუდია მონიტორის” რედაქტორი

2003 წლიდან მუშაობდა ტელეკომპანია “რუსთავი 2- ის" გადაცემა “60 წუთში” ჟურნალისტად.  2007 წელიდან კი არის  “სტუდია მონიტორის “  ერთ-ერთი დამფუძნებელი. 

საგამოძიებო ჟურნალისტიკაში საუკეთესო საგამოძიებო ფილმისთვის მიღებული აქვს ჯიპა -ფრიდმანის პრიზი  2012 და 2015 წლებში. ასევე ევროკავშირის პრიზი საგამოძიებო ჟურნალისტიკაში -2014 წელს.

მიღებული აქვს სოციალური ფსიქოლოგის მაგისტრის ხარისხი თბილისის ივანე ჯავახიშვილის სახელობის თბილისის სახელმწიფო უნივერსიტეტში.

საქართველოს ჟურნალისტური ეთიკის ქარტიის საბჭოს წევრად აირჩიეს 2018 წლის 22 დეკემბერს. ამავე დღეს ის საბჭოს თავმჯდომარე გახდა.

სტუდია REC-ის პროდიუსერი

ირმა ზოიძე წლების განმავლობაში იყო საგამოძებო სტუდია REC-ის პროდიუსერი, რომელიც ბათუმში ბაზირებული "ტელეარხი 25-ის" ეთერში გადიოდა. 2015 -2018 წლებში ირმა იკავებდა ქარტიის სარევიზიო კომისიის თავმჯდომარის პოზიციას. 2018 წლის 22 დეკემბერს კი საქართველოს ჟურნალისტური ეთიკის ქარტიის საერთო კრებამ ქარტიის საბჭოს წევრად აირჩია

სათემო რადიო „მარნეულის" დირექტორი

კამილა მამედოვა 2007 წლიდან სათემო რადიო „მარნეულის“ დამფუძნებელია. 2009-2010 წლებში იყო რადიო „ჯიპას“ „მრავალფეროვანი საქარველოს“ გადაცემის ჟურნალისტი.  2010-2012 წლებში კი - რუსულენოვანი ტელეკომპანია „პიკის“ გადაცემა „ტეკტონიკის“ ჟურნალისტი და გადაცემა „ პორტრეტი ალა დუდუაევასთან ერთად“ პროდიუსერი. 2015 წლიდან არის რადიო „მარნეულის“ არა ერთი გადაცემის იდეის ავტორი. 

კამილა აქვს თბილისის სახელმწიფო უნივერსიტეტის სამართალმცოდნეობის ფაკულტეტის ბაკალავრის ხარისხი და საქართველოს საზოგადოებრივ საქმეთა ინსტიტუტის მედია მენეჯმენტის ფაკულტეტის მაგისტრის ხარისხი.

ჟურნალისტური ეთიკის ქარტიის საბჭოს წევრად აირჩიეს 2018 წლის 22  დეკემბერს.

სტუდია „მონიტორის“ გამომძიებელი ჟურნალისტი

გიორგი მგელაძე ქარტიის საბჭოს წევრად ხელმეორედ აირჩიეს 2016 წლის დეკემბერში. ის პირველად ქარტიის საბჭოს წევრი 2012 წელს გახდა და მომდევნო ერთი წლის განმავლობაში საბჭოსაც თავმჯდომარეობდა.

გამოცემა “სამხრეთის კარიბჭის” ჟურნალისტი.

თამუნა უჩიძე ამ გამოცემასთან 2006 წლიდან თანამშრომლობს. 2010–2011 წლებში იყო გაზეთ „სამხრეთის კარიბჭეს“ ყოველკვირეული დამატება „მეურნეს“ რედაქტორი; სხვადასხვა დროს თანამშრომლობდა რამდენიმე მედია საშუალებებთან – 2007–2009 წლებში წერდა „ომისა და მშვიდობის გაშუქების ინსტიტუტისთვის”; ასევე მონაწილეობდა სხვვადასხვა საერთაშორისო სასწავლო პროგრამებში; 2016 წელს მიიღო
ქარტიის პრიზი საუკეთესო სტატიისთვის.

ინტერნეტგამოცემა liberali.ge-ს რედაქტორი.

ლიკა ზაკაშვილი 2011 წლიდან მუშაობს გამოცემა „ლიბერალში“; ასევე არის საქართველოში საერთაშორისო პროექტის n-vestigate-ის კოორდინატორი, რომლის ფარგლებში ოთხი ქვეყანა - საქართველო, სომხეთი, მოლდოვა, უკრაინა, რუსეთი და გერმანია Cross-Border ჟურნალისტურ პროექტზე ერთად მუშაობენ. ლიკა ზაკაშვილი ასევე უძღვება სალექციო კურსს შავი ზღვის უნივერსიტეტში. 2011 წლამდე მუშაობდა საერთაშორისო ორგანიზაციის - „ნორვეგიის ლტოლვილთა საბჭო“ - პროექტის მენეჯერად; ასევე - რადიო „106,4-ის“ წამყვანად. დამთავრებული აქვს საქართველოს შოთა რუსთაველის თეატრისა და კინოს სახელმწიფო უნივერსიტეტი (ბაკალავრის ხარისხი) და საქართველოს საზოგადოებრივ საქმეთა ინსტიტუტი GIPA (მაგისტრის ხარისხი)

ჟურნალისტური ეთიკის ქარტიის საბჭოს წევრად აირჩიეს 2017 წლის 23 დეკემბერს.

საზოგადოებრივი მაუწყებლის აჭარის ტელევიზიის ახალი ამბების სამსახურის უფროსის მოადგილე

მაია მერკვილაძე 1998 - 2015 წლებში მუშაობდა ბათუმში ბაზირებულ ტელეკომპანიაში TV 25-ში სხვადასხვა პოზიციაზე - იყო რედაქტორი, პროდიუსერი, საინფორმაციო სამსახურის უფროსი. პროექტების – „ვმართოთ ერთად“, „ჩვენ და თვითმმართველობა“, „ამბები მაღალმთიანეთიდან“ ავტორი. 2016 - 2017 წლებში იყო FactCheck-ის რეგიონული ანალიტიკოსი (აჭარა).

არის საქართველოს ჟურნალისტური ეთიკის ქარტიის დამფუძნებელი წევრი. საბჭოს წევრად აირჩეის 2017 წლის 23 დეკემბერს.

საინფორმაციო ცენტრების ქსელის რედაქტორი

გელა მთივლიშვილი 2010 წლიდან მუშაობს საინფორმაციო ცენტრების ქსელის რედაქტორად, რომელიც აერთიანებს ახალი ამბების სააგენტო "რეგინფოს", ინტერნეტგამოცემა "მთის ამბებს", კახეთის საინფორმაციო ცენტრს და პანკისის სათემო რადიოს. მანამდე, 2005 წლიდან მუშაობდა ადამიანის უფლებათა ცენტრში. 2011-2013 წლებში იყო ჟურნალისტური ეთიკის ქარტიის საბჭოს წევრი. არის ჟურნალისტთა საერთაშორისო ფედერაციის წევრი. მონაწილეობდა საერთაშორისო სასწავლო პროგრამებში ლიტვასა და აშშ-ში საგამოძიებო ჟურნალისტიკის და მედია მენეჯმენტის მიმართულებით. მიღებული აქვს ევროკავშირის, ჯოშუა ფრიდმანის, ევროპული ჟურნალისტიკის ცენტრის და ქარტიის პრიზები.

საქართველოს ჟურნალისტური ეთიკის ქარტიის საბჭოს წევრად მეორედ აირჩიეს 2017 წლის 23 დეკემბერს.

საინფორმაციო სააგენტო interpressnews.ge-ს  ჟურნალისტი და okribanews.ge-ს დირექტორი და ჟურნალისტი

იყო საზოგადოებრივი მაუწყებლის გადაცემა "რეალური სივრცის" კორესპონდენტი, ტელეკომპანია "რიონის" ჟურნალისტი. იყო სამართლიანი არჩევნებისა და დემოკრატიის საერთაშორისო საზოგადოების (ISFED) წევრი და კოორდინატორი ონსა და ტყიბულში.  სხვადასხვა დროს იღებდა მონაწილეობას საერთაშორისო პროგრამებში პოლონეთსა და ამერიკის შეერთებულ შტატებში.  

საქართველოს ჟურნალისტური ეთიკის ქარტიის საბჭოში 2017 წლის 23 დეკემბერს ჩაანაცვლა გერონტი ყალიჩავა

ქარტიის საბჭოს მდივანი და ქარტიის პროექტის - „ლიბერალიზმის სასწავლო ცენტრის" დირექტორი.

დავით კლდიაშვილი ქარტიის საბჭოს მდივანია 2011 წლიდან. პარალელურად ეწევა კერძო იურიდიულ პრაქტიკას და არის რამდენიმე ორგანიზაციის კონსულტატი იურიდიულ საკითხებში.