This statement is bilingual. For English please scroll down. 

საკონსტუტიციო სასამართლომ დამოუკიდებელ მედიას არ მისცა უფლება, ეწარმოებინა ფოტო და/ან ვიდეო გადაღება ხუთი პოლიტიკური პარტიის კონსტიტუციურობის და აკრძალვის შესახებ სარჩელის არსებით განხილვაზე, რომელიც დღეს, 21 ოქტომბერს დაიწყო და სამი დღე გასტანს. 

დარბაზში ახლა მხოლოდ საზოგადოებრივი მაუწყებლის კამერა მუშაობს, რომელიც სხდომას პირდაპირ ეთერში გადასცემს და სიგნალს აწვდის სხვა მედიებს. 

სხდომა სასამართლოს YouTube არხითაც გადაიცემა. 

მიუხედავად იმისა, რომ ამ ზომების ერთობლიობით სხდომების საჯაროობა ნაწილობრივ უზრუნველყოფილია, ქარტია საკონსტიტუციო სასამართლოს გადაწყვეტილებას, ფოტო და ვიდეო გადაღება აეკრძალა დამოუკიდებელი მედიისთვის, მაინც პრობლემურად მიიჩნევს.

საკონსტიტუციო სასამართლოს პრეს-სამსახური, ზეპირ საუბარში, ამ გადაწყვეტილებას სხდომათა დარბაზში ადგილების შეზღუდული რაოდენობით ხსნის. თუმცა, არ განმარტავს, რის საფუძველზე მიანიჭა მან პრიორიტეტი საზოგადოებრივ მაუწყებელს და რატომ იქნებოდა შეუძლებელი სხვა მედიასაშუალებების განცხადებების დაკმაყოფილება და მათთვის ადგილიდან გადაღების უფლების მიცემა. იკვეთება მედიის მიმართ შერჩევითი დამოკიდებულებაც.

საკონსტიტუციო სასამართლოში გადაღების საკითხს საკონსტუტუციო სასამართლოს რეგლამენტი აწესრიგებს (მუხლი 24, დასწრება საკონსტიტუციო სასამართლოს ღია სხდომაზე, პუნქტი 2). ჩანაწერი ზოგადია და რომელიმე ფორმატის მედიასაშუალებას პრიორიტეტს არ ანიჭებს. მასში ვკითხულობთ, რომ თუ სხდომაზე დამსწრე პირს სასამართლო სხდომაზე რადიო, ტელე, აუდიო ან ვიდეოჩანაწერის გაკეთება სურს, მან საკონსტიტუციო სასამართლოს სხდომის დაწყებამდე უნდა მიმართოს. დაშვების შესახებ გადაწყვეტილება საქმის განმხილველმა სასამართლომ ასევე სხდომის დაწყებამდე უნდა მიიღოს. 

საქმისადმი, რომელსაც ახლა საკონსტიტუციო სასამართლო იხილავს, საზოგადოებრივი ინტერესი გამორჩეულად დიდია. ქარტის მიიჩნევს, რომ ამის გათვალისწინებით,  საკონსტუტუციო სასამართლოს ყველაფერი უნდა გაეკეთებინა მედიისთვის სამუშაო პირობების შესაქმნელად, მათ შორის, მისთვის ვიდეო და ფოტოგადაღების უფლების მიცემით. 

საპირისპიროდ, საკონსტიტუციო სასამართლომ სწორედ ამ პროცესისთვის შეცვალა დამკვიდრებული პრაქტიკა - ჟურნალისტები ადასტურებენ, რომ დღევანდელ სხდომამდე, ისინი საკონსტიტუციო სასამართლოში შეუზღუდავად მუშაობდნენ.  

საკონსტიტუციო სასამართლოს ეს ახალი მიდგომა, შეიძლება ითქვას, რომ გამოძახილია იმ მავნე პრაქტიკისა, რაც საერთო სასამართლოებში უკვე კანონის საფუძველზე დააწესა „ქართულმა ოცნებამ” და რის შედეგადაც მედიას სასამართლოებში გადაღება, ფაქტობრივად, აკრძალული აქვს. 

ქარტია საკონსტიტუციო სასამართლოს მოუწოდებს, შეცვალოს გადაწყვეტილება და 22 და  23 ოქტომბრის სხდომებზე დააკმაყოფილოს იმ მედიასაშუალებების განცხადებები, ვისაც ამ პროცესის ფოტო და ვიდეო გადაღება სურთ.

The Charter Calls on the Constitutional Court to Allow Journalists to Take Photos and Record Video Inside the Courtroom

The Constitutional Court has denied independent media outlets the right to take photographs or record video during the substantive hearing of a case concerning the constitutionality and potential banning of five political parties. The hearing began today, October 21, and is scheduled to last three days.

Currently, only a camera operated by the Public Broadcaster is being used inside the courtroom. It is broadcasting the proceedings live and providing a feed to other media outlets.

The hearing is also being streamed on the Court’s YouTube channel.

Although these measures partially ensure public access to the proceedings, the Charter considers the Constitutional Court’s decision to prohibit independent media from taking photographs and recording video problematic.

In a verbal communication, the Constitutional Court’s press office explained that the decision was made due to the limited number of seats available in the courtroom. However, it did not explain why the Public Broadcaster was given priority or why it was impossible to accommodate the requests of other media outlets and allow them to film from the courtroom. This also demonstrates a selective approach to media access.

The issue of filming and recording inside the Constitutional Court is governed by the Court’s Regulations (Article 24, “Attendance at an Open Session of the Constitutional Court,” Paragraph 2). The provision is general in nature and does not grant priority to any specific type of media outlet. It states that anyone wishing to make a radio, television, audio, or video recording during a hearing must submit a request before the session begins. The court hearing the case must decide whether to grant permission before the session commences.

There is exceptionally high public interest in the case currently before the Constitutional Court. The Charter believes that, given this level of interest, the Court should have made every effort to facilitate media coverage, including by granting permission to take photographs and record video.

Instead, the Constitutional Court has departed from its established practice specifically for these proceedings. Journalists confirm that, before today’s hearing, they had been able to work inside the Constitutional Court without such restrictions. The Court’s new approach can be seen as reflecting a harmful practice already established by Georgian Dream in the common courts through legislation, which effectively prohibits the media from filming or taking photographs inside courtrooms.

The Charter calls on the Constitutional Court to reverse its decision and grant the requests of media outlets seeking to photograph and record video during the hearings on October 22 and 23.

This statement is bilingual. For English please scroll down. 

დღეს, 19 ოქტომბერს, მოსამართლე თორნიკე ქოჩქიანმა, 30-დღიანი პატიმრობა შეუფარდა ტელეკომპანია „ფორმულას“ საინფორმაციო გამოშვების წამყვანსა და ჟურნალისტს ვახო სანაიას, ფეისბუქის პირად გვერდზე გამოქვეყნებული ორი სტატუსისა და ერთი ვიდეოს გამო. მას ბრალად შალვა პაპუაშვილისა და ლადო ბოჟაძის შეურაცხყოფა ჰქონდა წარდგენილი. 

გამოხატვის თავისუფლება ვახო სანაიას, როგორც მოქალაქეს, უკვე მესამედ შეეზღუდა. 22 ივლისს, მას მსგავსი „სამართალდარღვევისთვის“ 14-დღიანი ადმინისტრაციული პატიმრობა მოსამართლე ზვიად ცეკვავამ შეუფარდა, ხოლო 10 ივლისს 6,000-ლარიანი ჯარიმა მოსამართლე თორნიკე ქოჩქიანმა დააკისრა.  

კანონმდებლობაში შეტანილი რეპრესიული ხასიათის ცვლილებები „ქართულ ოცნებას“ საშუალებას აძლევს, არაპროპორციული ძალით იმოქმედოს კრიტიკულად განწყობილი მოქალაქეების, მათ შორის ჟურნალისტების, წინააღმდეგ. 

ქარტია ვახო სანაიას შემთხვევას სადამსჯელო მიზნებისთვის კანონმდებლობისა და მართლმსაჯულების ინსტრუმენტალიზაციის გამოვლინებად მიიჩნევს, მოქალაქისა და ჟურნალისტის კრიტიკული ხმის ჩასახშობად და კრიტიკული მედიის საქმიანობის შესაზღუდად. 

„ქართულმა ოცნებამ“ საკანონმდებლო ცვლილებებით და შემდგომ უკვე ამ ცვლილებების აღსრულების პრაქტიკით, უარი თქვა თმენის ვალდებულებაზე. დღევანდელი გადაწყვეტილებით „ქართულმა ოცნებამ“ კიდევ ერთხელ თვალსაჩინოდ წარმოაჩინა საქართველოში დემოკრატიული უკუსვლის სიღრმე. 

ქარტია სოლიდარობას უცხადებს ვახო სანაიას და  ყველა ჟურნალისტსა და მოქალაქეს, ვისი გამოხატვის თავისუფლებაც „ქართულმა ოცნებამ“ სამართლებრივი თუ ძალისმიერი ინსტრუმენტების გამოყენებით შეზღუდა.  

20 ოქტომბერს, სამშაბათს, 20:00 საათზე, ქარტიის საბჭო განიხილავს დავით ნატროშვილის განცხადებას ონლაინ პლატფორმის “ტაბულა” ჟურნალისტის წინააღმდეგ.

სადავო მასალა “ტაბულას” გვერდზე სოციალურ ქსელში 2026 წლის 23 ივნისს გამოქვეყნდა. განმცხადებელი მიიჩნევს, რომ აღნიშნულ ჟურნალისტურ პროდუქტში დარღვეულია ეთიკის სტანდარტები.

განმცხადებელი დავობს ქარტიის პირველი (სიზუსტე), მე-5 (შესწორება), მე-10 (პირადი ცხოვრების ხელშეუხებლობა) და მე-11 (ფაქტის განზრახ დამახინჯება) პრინციპების დარღვევაზე.

მოპასუხე ჟურნალისტად ონლაინ პლატფორმის “ტაბულა” რედაქტორი, ლევან სუთიძე განისაზღვრა.

ქარტიის საბჭო განცხადებას განიხილავს და გადაწყვეტს, სადავო ჟურნალისტურ პროდუქტში დაირღვა თუ არა ქარტიის პრინციპები.

სხდომა წარიმართება ონლაინ რეჟიმში, პლატფორმა ZOOM-ის მეშვეობით. საქმის განხილვა ღიაა და ნებისმიერ მსურველს შეუძლია დასწრება. სხდომაზე დასწრებისთვის საჭირო მონაცემების მისაღებად, მოგვწერეთ ელ. ფოსტაზე: ethicscharter@gmail.com

This statement is bilingual. For English please scroll down. 

საქართველოს ჟურნალისტური ეთიკის ქარტია საგანგაშოდ მიიჩნევს საპატრიარქოს გადაწყვეტილებას, 14 ოქტომბერს სვეტიცხოვლობის დღესასწაულზე არ დაეშვა „ტვ პირველი“  და „ფორმულა“. 

საპატრიარქომ თავისი გადაწყვეტილება იმით ახსნა, რომ მსგავსი ღონისძიებების დროს ამ ტელევიზიების ჟურნალისტები ხშირად არღვევენ შინაგანაწესს და, არაერთი გაფრთხილების მიუხედავად, თვითნებურად ტოვებენ მედიისთვის განკუთვნილ სივრცეს. ჟურნალისტების თავისუფალი გადაადგილება კი ღვთისმსახურების პროცესს აფერხებს. 

„ტვ პირველის“ საინფორმაციო სამსახურის ხელმძღვანელის ნოდარ მელაძის ინფორმაციით, საპატრიარქომ არ მიიჩნია საჭიროდ, ტელევიზიის მენეჯმენტისთვის გადაწყვეტილების სამართლებრივი საფუძველი და კონკრეტული მიზეზი განემარტა. მისი თქმით, ერთადერთი, რაც ტელეკომპანიასა და საპატრიარქოს საზოგადოებასთან ურთიერთობის სამსახურის უფროსს შორის მიმოწერისას გამოჩნდა, არის მითითება 2021 წლის 8 მარტის ინციდენტზე მარტვილში, როცა სასულიერო პირებსა და მრევლის ნაწილს შორის დაპირისპირების გაშუქებისას რამდენიმე ჟურნალისტი დაშავდა. 

ქარტიის მოსაზრებით, ამ ინციდენტსა და სვეტიცხოვლობის დღესასწაულის გაშუქებას შორის პარალელის გავლება უადგილოა.  

ქარტია მიიჩნევს, რომ ამ გადაწყვეტილებით საპატრიარქო, პარლამენტის მსგავსად, დისკრიმინაციულ დამოკიდებულებას იჩენს დამოუკიდებელი და ხელისუფლების მიმართ კრიტიკულად განწყობილი ტელევიზიების მიმართ. მნიშვნელოვანი რელიგიური დღესასწაულის დროს სვეტიცხოვლის ტაძრის ტერიტორიაზე „ტვ პირველისა“ და „ფორმულას“ არდაშვებით საპატრიარქომ უპატივცემულობა გამოიჩინა მათი მაყურებლების მიმართ.  

ეკლესია თავის გავლენას არ უნდა იყენებდეს დისკრიმინაციის წასახალისებლად და არ უნდა იმეორებდეს პარლამენტის ცუდ მაგალითს - ზრდიდეს დისტანციას ჟურნალისტებსა და ძალაუფლების მქონე რესპონდენტებს შორის და ჟურნალისტებთან კომუნიკაციას მათ კეთილ ნებაზე დამოკიდებულს ხდიდეს.  

ყოველგვარ პირობითობაზე ბევრად უფრო მნიშვნელოვანია საზოგადოების უფლება, იყოს ინფორმირებული. ქარტია საპატრიარქოს მოუწოდებს, პატივი სცეს პრესის თავისუფლებას, როგორც დემოკრატიული საზოგადოების ფუნდამენტურ ღირებულებას, და თავისი ურთიერთობა მედიასა და ჟურნალისტებთან ამ ღირებულების გათვალისწინებით ააგოს.   

Georgian Charter of Journalistic Ethics: Patriarchate Unjustifiably Restricts the Professional Activities of TV Pirveli and Formula

The Georgian Charter of Journalistic Ethics considers the Patriarchate’s decision to deny TV Pirveli and Formula access during the Svetitskhovloba celebration on October 14 alarming.

The Patriarchate explained its decision by stating that journalists from these television stations frequently violate internal regulations during such events and, despite multiple warnings, leave the designated media area of their own accord. According to the Patriarchate, such unrestricted movement by journalists disrupts religious services.

According to Nodar Meladze, head of the news department at TV Pirveli, the Patriarchate did not consider it necessary to explain the legal basis or specific reasons for its decision to the station’s management. He stated that the only reference made during correspondence between the television channel and the head of the Patriarchate’s Public Relations Service was to the incident that took place in Martvili on March 8, 2021, when several journalists were injured while covering a confrontation between members of the clergy and some members of the congregation.

In the Charter’s view, drawing a parallel between this incident and the coverage of the Svetitskhovloba celebration is inappropriate.

The Charter believes that, through this decision, the Patriarchate – much like Parliament –demonstrates a discriminatory attitude toward independent television channels that maintain a critical stance toward the authorities. By barring TV Pirveli and Formula from the grounds of Svetitskhoveli Cathedral during a significant religious holiday, the Patriarchate has shown disrespect for their audiences.

The Church should not use its influence to encourage discrimination, nor should it follow Parliament’s negative example by widening the gap between journalists and their powerful respondents and making communication with the press contingent upon the latter’s goodwill.

The public’s right to be informed far outweighs any other considerations or conditions. The Charter calls on the Patriarchate to respect press freedom as a fundamental value of a democratic society and to shape its interactions with the media and journalists accordingly.

მას შემდეგ, რაც „სტუდია მონიტორმა“ 26 სექტემბერს გამოაქვეყნა ფილმი, რომელიც ესტონელი ინვესტორის წინააღმდეგ წარმოებულ საქმეს ეხება და მისი ქონების მიმართ ბიძინა ივანიშვილისა და ვანო ჩხარტიშვილის სავარაუდო ინტერესს აღწერს, გამომძიებელ ჟურნალისტთა ჯგუფი ხელისუფლების სამიზნედ იქცა.

ქვეყნის უმაღლესი თანამდებობის პირებმა ბიძინა ივანიშვილის დასაცავად „სტუდია მონიტორის“ წინააღმდეგ საჯარო განცხადებები გააკეთეს.

27 სექტემბერს შალვა პაპუაშვილმა „სტუდია მონიტორი“ საქართველოს წინააღმდეგ მოქმედებაში დაადანაშაულა და ბიძინა ივანიშვილის წინააღმდეგ „შავი პროპაგანდისტული ხაზის“ ნაწილად მოიხსენია.

„ფანტაზიორობა“ და „აბსურდული საკითხის მტკიცება“ - ასე შეაფასა მან „სტუდია მონიტორის“ ნაშრომი.

იმავე დღეს გააკრიტიკა „სტუდია მონიტორის“ ფილმი ირაკლი კობახიძემაც და გამომძიებელი ჟურნალისტები „უცხოურ აგენტურად“ მონიშნა.

მედიაზე უსამართლოდ და დაუსაბუთებლად თავდასხმის ეს შემთხვევა პირველი არ არის. „ქართული ოცნების“ წარმომადგენლები უკვე წლებია, თანმიმდევრულად ცდილობენ საზოგადოების თვალში მედიის რეპუტაციის შელახვას, პროფესიული კეთილსინდისიერებით გამორჩეული ჟურნალისტების სტიგმატიზებას და მარგინალიზაციას.

მსგავსი განცხადებები ახალისებს სიძულვილს და ნოყიერ ნიადაგს ქმნის ჟურნალისტების წინააღმდეგ ძალადობრივი დანაშაულებისთვის, რომელთა აბსოლუტური უმრავლესობა გამოუძიებელი რჩება.

თავად „სტუდია მონიტორი“ პროცესს აფასებს, როგორც მის წინააღმდეგ მიმართულ „კოორდინირებულ მადისკრედიტებელ კამპანიას“.

ქარტია სოლიდარობას უცხადებს „სტუდია მონიტორსა“ და მის გაბედულ ჟურნალისტებს, რომელთაც არაერთი პროფესიული ჯილდო აქვთ მიღებული ეთიკური სტანდარტების დაცვით შესრულებული ნამუშევრებისთვის, რითაც სააშკარაოზე გამოიტანეს კორუფცია, ნეპოტიზმი და ძალაუფლების ბოროტად გამოყენების შემთხვევები.

საქართველოს ჟურნალისტური ეთიკის ქარტიას განცხადებით მომართა თოზუ გულმამედოვამ გადაცემის “სხვა ნანუკა” წამყვანის ნანუკა ჟორჟოლიანის წინააღმდეგ.

სადავო გადაცემა “სხვა ნანუკა”- “თავისუფლება 17 წლიანი პატიმრობის ნაცვლად” "TV პირველის" ეთერში და სოციალურ ქსელებში 2026 წლის 16 სექტემბერს გამოქვეყნდა. გადაცემა ეხება არასრულწლოვანს, რომელსაც ბრალად ედება მკვლელობა ძალადობის მოგერიების ფარგლებში.

განმცხადებელი მიიჩნევს, რომ სადავო მასალაში ქარტიის მე-7 (დისკრიმინაცია), მე-8 (ბავშვთა ინტერესი) და მე-10 (პირადი ცხოვრების ხელშეუხებლობა) პრინციპები დაირღვა.

განმცხადებლის მხრიდან მოპასუხედ გადაცემის წამყვანი ნანუკა ჟორჟოლიანი განისაზღვრა.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.

18 სექტემბერს, პარასკევს, 20:00 საათზე, ქარტიის საბჭო განიხილავს ირაკლი ქავთარაძის განცხადებას ონლაინ პლატფორმის “მთავარი” წინააღმდეგ.

სადავო მასალა “მთავარის” გვერდზე სოციალურ ქსელში 2026 წლის 2 მაისს გამოქვეყნდა. განმცხადებელი მიიჩნევს, რომ მოცემულ ნაშრომში დარღვეულია ჟურნალისტური ეთიკის სტანდარტები.

განმცხადებელი დავობს ქარტიის პირველი (სიზუსტე), მე-3 (დადასტურებული წყარო), მე-5 (შესწორება), მე-8 (არასრულწლოვანთა ინტერესები) და მე-10 (პირადი ცხოვრების ხელშეუხებლობა) პრინციპების დარღვევაზე.

მოპასუხე ჟურნალისტად ონლაინ პლატფორმის “მთავარი” არაიდენტიფიცირებული ჟურნალისტი განისაზღვრა.

ქარტიის საბჭო განცხადებას განიხილავს და გადაწყვეტს, სადავო ჟურნალისტურ პროდუქტში დაირღვა თუ არა ქარტიის პრინციპები.

სხდომა წარიმართება ონლაინ რეჟიმში, პლატფორმა ZOOM-ის მეშვეობით. საქმის განხილვა ღიაა და ნებისმიერ მსურველს შეუძლია დასწრება. სხდომაზე დასწრებისთვის საჭირო მონაცემების მისაღებად, მოგვწერეთ ელ. ფოსტაზე: ethicscharter@gmail.com

კომუნიკაციების ეროვნული კომისია განაგრძობს ზეწოლას ტელევიზიებზე „ქართული ოცნებისთვის“ მიუღებელი ტერმინოლოგიის ხმარებიდან ამოსაღებად. ამჯერად მისი სამიზნე „ტვ პირველი“ გახდა, რომელსაც კომისია ახალი ამბების პირადი დამოკიდებულების/მოსაზრებების საფუძველზე გაშუქებასა და ფაქტების გადაცემისას ჯეროვანი სიზუსტის დაუცველობას ედავება. 

დღეს „ტვ პირველი“ კომისიამ 5,000 ლარით დააჯარიმა. ბოლო ერთი წლის განმავლობაში ეს „ტვ პირველისთვის“ უკვე მესამე სანქციაა. მსგავსი დარღვევებისთვის კომისიამ ის წერილობით გააფრთხილა აპრილში, ხოლო ივნისში ჯარიმის სახით 2,500 ლარის გადახდა დააკისრა. 

კომისიამ მიიჩნია, რომ ახალი ამბების გაშუქებისას „ტვ პირველმა“ 52-ე მუხლის, რომელიც ფაქტის ჯეროვან სიზუსტესა და პასუხის უფლებას ეხება, პირველი და მეორე პუნქტები დაარღვია, სწორად ვერ გადმოსცა რა პოლიციის მაღალჩინოსნის გოგა მემანიშვილის პასუხი ჟურნალისტის შეკითხვაზე. ტელეკომპანიამ ისეთი ფრაზების გამოყენებით, როგორიცაა „სქროლვა-სქრინვის სააგენტო“, „ჩეჩნური ტიპის რაზმი“, „აქტივისტებზე ნადირობა“, „პოლიციას ნერვებმა უმტყუნა“ და სხვა, ასევე დაარღვია მაუწყებლობის შესახებ კანონის 54-ე მუხლის, რომელიც სამართლიანობასა და მიუკერძოებლობას ეხება, მეხუთე პუნქტი. 

კომისიამ ივნისში „ტვ პირველი“ ისეთი ტერმინებისა და ფრაზების გამოყენებისთვის დასაჯა, როგორებიცაა „სინდისის პატიმრები“, „ოლიგარქი“, „არარსებული დანაშაული“, „აქტივისტების ტერორი გრძელდება“ და სხვა. 

2025 წლის მარტში მაუწყებლობის შესახებ კანონში შესული შესწორების საფუძველზე, რომელმაც კომუნიკაციების კომისიას შინაარსობრივ საკითხებზე ზედამხედველობის მანდატი მიანიჭა, კომისია პროაქტიულად ატარებს მედიამონიტორინგს და ტელეკომპანიებს პერიოდულად დარღვევების შესახებ პრეტენზიებს უყენებს. ამგვარი ქმედება კომუნიკაციების კომისიას, რომლის კავშირები მმართველ პარტიასთან - „ქართულ ოცნებასთან“ - კარგად არის დოკუმენტირებული და დასაბუთებული, აქცევს ერთგვარ „ცენზურის სააგენტოდ“, „ქართული ოცნების“ დღის წესრიგის გამტარად. 

ტელეკომპანიებზე სისტემური ზეწოლით კომუნიკაციების ეროვნული კომისია ცდილობს, მათ დამოუკიდებელ სარედაქციო პოლიტიკაზე უარი ათქმევინოს, რათა დისკომფორტი არ შეექმნას „ქართულ ოცნებას“. ამგვარი მცდელობები და დამოკიდებულებები ჟურნალისტური ეთიკის ქარტიისთვის კატეგორიულად მიუღებელია. 

ქარტია სოლიდარობას უცხადებს „ტვ პირველს“ და მის გუნდს, რომელიც, წნეხის მიუხედავად, განაგრძობს პროფესიული მოვალეობის შესრულებას საზოგადოების საუკეთესო ინტერესების დასაცავად და არ იშურებს ძალისხმევას სარედაქციო დამოუკიდებლობის შესანარჩუნებლად.  

აჭარის ტელევიზიის ჟურნალისტის კობა ფარტენაძის თქმით, მას ბათუმში ყოველ საღამოს თავს ესხმიან,  ემუქრებიან და სიტყვიერ და ფიზიკურ შეურაცხყოფას აყენებენ. ჟურნალისტმა დღეს პირად ფეისბუქ გვერდზე გამოაქვეყნა ვიდეო, საიდანაც ჩანს, რომ ახალგაზრდა კაცები მას ჰომოფობიური ლექსიკის გამოყენებით მიმართავენ და დაჭრით ემუქრებიან. ჟურნალისტი წერს, რომ მას მსგავსი თავდასხმების ამსახველი კიდევ არაერთი ვიდეო აქვს. 

ჟურნალისტის პირად ფეისბუქ გვერდზე გამოქვეყნებული პოსტიდან ჩანს, რომ კობა ფარტენაძე რეგულარულად მიმართავს პოლიციას დახმარებისთვის, თუმცა პრობლემა არ გვარდება. 

თავდასხმები ჟურნალისტს მძიმე ემოციურ მდგომარეობაში ამყოფებს, ხელს უშლის პროფესიულ საქმიანობაში. ის წერს: „ყოველდღე ვმუშაობ, ვცდილობ ჩემი საქმე პროფესიონალურად შევასრულო და საზოგადოებას ინფორმაცია მივაწოდო. არ უნდა მიწევდეს იმის არჩევა, სამსახურში მივიდე თუ სახლში დავრჩე, იმიტომ რომ უკან შეიძლება ვერ დავბრუნდე.“ 

ჟურნალისტმა “აჭარა თაიმსს” უთხრა, რომ მისი ვარაუდით, თავდასხმის ერთ-ერთი მოტივი შესაძლოა მისი პროფესიული საქმიანობაც იყოს, ვინაიდან თავმდამსხმელი აჭარის ტელევიზიასაც უცენზურო და შეურაცხმყოფელი ეპითეტებით მოიხსენიებდა. 

ქვეყანაში გამეფებული დაუსჯელობის ატმოსფერო, სამართალდამცავი სტრუქტურების გულგრილობა და არაპროფესიონალიზმი ქმნის ისეთ გარემოს, სადაც მოქალაქეები, მათ შორის ჟურნალისტები, თავს უსაფრთხოდ არ გრძნობენ. ადამიანებს აღარ აქვთ იმედი, რომ კანონი მათ დაიცავს.  

ქარტია შსს-ს მოუწოდებს, გაიაზროს მდგომარეობის სიმძიმე და საქმის სერიოზულობა, სათანადო ყურადღება გამოიჩინოს დაზარალებული ჟურნალისტის მიმართ, გამოავლინოს და დასაჯოს მოძალადეები მანამ, სანამ კიდევ ერთი ტრაგედია დატრიალდება. 

დღეს, 3 აგვისტოს, ბოლო ორი თვის განმავლობაში უკვე მესამედ, საქმიანობაში ხელი შეეშალა „სტუდია მონიტორს“, კიბერთავდასხმის გამო. 

ამჯერად „სტუდია მონიტორის“ Facebook-გვერდი წაიშალა. Meta საგამოძიებო პლატფორმას საავტორო უფლებების დარღვევას ედავება, რასაც „სტუდია მონიტორი“ უარყოფს. 

25 ივლისს, მსგავსი საბაბით, „სტუდია მონიტორის“ YouTube-არხი გაითიშა. მოგვიანებით არხი აღდგა. 

უფრო ადრე კი, 1 ივლისს, Meta-მ Facebook-სა და Instagram-ზე, ასევე YouTube-ზე, „სტუდია მონიტორის“ რამდენიმე მასალა წაშალა, რომლებიც არალიცენზირებულ ონლაინ კაზინოების ქსელთან ქართული სამშენებლო კომპანიების შესაძლო კავშირებს აღწერდა. მოგვიანებით ეს მასალები თავის ადგილზე დაბრუნდა. 

„სტუდია  მონიტორის“ ხელმძღვანელი, ნინო ზურიაშვილი, მიიჩნევს, რომ ამ თავდასხმებში მათი ხელი ურევია, ვისი კორუფციულ საქმეები და კავშირები „სტუდია მონიტორს“ სააშკარაოზე გამოაქვს. ამ მოსაზრებას ქარტიაც იზიარებს. „სტუდია მონიტორი“ მალე ე.წ „სკამერების“ - თაღლითური ქოლ-ცენტრების საქმესთან დაკავშირებული ჟურნალისტური გამოძიების გამოქვეყნებას გეგმავს. 

საჩივრების წყარო წინა ორ შემთხვევაში ტროლები და სხვა არაავთენტური ანგარიშები იყო. ქარტია Meta-ს მოუწოდებს, სწრაფად აწარმოოს გამოძიება და აღადგინოს „სტუდია მონიტორის“ წაშლილი გვერდი. 

ქვეყანაში დაუსჯელად მოქმედებენ კიბერდამნაშავეები და დიდი რესურსები იხარჯება ტროლ-ბოტების ქარხნებზე, რომელებიც რეგულარულად ესხმიან თავს „ქართული ოცნების“ მიმართ კრიტიკულად განწყობილ ორგანიზაციებს, ექსპერტებს და აქტივისტებს, მედიასაშუალებებს და ჟურნალისტებს. ისინი ავრცელებენ დეზინფორმაციას და საზოგადოებრივი აზრით მანიპულირებას ცდილობენ. 

ქარტია სოლიდარობას უცხადებს „სტუდია მონიტორს“ და მის გაბედულ ჟურნალისტებს, რომლებიც მაღალი საზოგადოებრივი პასუხისმგებლობითა და პროფესიონალიზმით აშუქებენ ყველაზე კომპლექსურ საკითხებს - შიფრავენ კორუფციულ სქემებს, რომელთა მეშვეობით ძალაუფლების მქონე ჯგუფები ძარცვავენ ქვეყნის ბიუჯეტს და მოქალაქეებს, მონაწილეობენ საერთაშორისო კრიმინალში და ძირს უთხრიან დემოკრატიულ წყობასა და ინსტიტუტებს. შექმნილი სირთულეების მიუხედავად, „სტუდია მონიტორი“ ჟურნალისტები დამნაშავეთა მხილებას განაგრძობენ და ქარტიაც იმ მაღალეთიკური ჟურნალისტიკის სადარაჯოზე დარჩება, რომელსაც „სტუდია მონიტორის“ გუნდი ქმნის. 

საქართველოს ჟურნალისტური ეთიკის ქარტიას განცხადებით მომართა ანა იაშაღაშვილმა “ტვ პირველის” ჟურნალისტის მაკა ანდრონიკაშვილის წინააღმდეგ.

სადავო სიუჟეტი “ნოდარ მელაძის შაბათის” ეთერში ქსელში 2026 წლის 18 ივლისს გავიდა და დანელიას ქუჩაზე კლდის ჩამოშლის ფაქტს ეხებოდა.

განმცხადებელი მიიჩნევს, რომ სადავო მასალაში ქარტიის პირველი (სიზუსტე), მე-3 (დადასტურებული წყარო), მე-5 (შესწორება), მე-10 (პირადი ცხოვრების ხელშეუხებლობა) და მე-11 (ფაქტის განზრახ დამახინჯება) პრინციპები დაირღვა.

განმცხადებლის მხრიდან მოპასუხედ სიუჟეტის ავტორი მაკა ანდრონიკაშვილი განისაზღვრა.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.