21 დეკემბერს, კვირას, გაიმართება ქარტიის წევრთა რიგით მეხუთე საერთო კრება.
დღის წესრიგი:
10.00-12.00 რეგისტრაცია
12.00 – 12.10 საბჭოს თავმჯდომარის მისასალმებელი სიტყვა, კრების თავმჯდომარის და მდივნის არჩევა

2014 წლის 16 დეკემბერს, ქარტიის საბჭომ განიხილა საქმე "ტარიელ ნაკაიძე mediacity.ge ის ჟურნალისტის, ნათია ვასაძის წინააღმდეგ". სხდომაზე განმცხადებლის ინტერესებს აგრეთვე წარმოადგენდა მედიის განვითარების ფონდი. სხდომას ესწრებოდა როგორც განმცხადებელი, ისე მოპასუხე მხარე. ქარტიის საბჭოს გადაწყვეტილებით, საქმეზე "ტარიელ ნაკაიძე mediacity.ge ის ჟურნალისტის, ნათია ვასაძის წინააღმდეგ", დადგინდა, რომ ჟურნალისტმა დაარღვია ქარტიის 1-ლი, მე_5 და მე_7 პრინციპი. საბჭოს სრული გადაწყვეტილება გამოქვეყნდება ქარტიის ვებგვერდზე.

2014 წლის 15 დეკემბერს გაიმართა  საქართველოს ჟურნალისტური ეთიკის ქარტიის საბჭოს სხდომა, რომელზეც განიხილებოდა ორი საქმე: ""TVMR საქართველო" ტელეკომპანია "მაესტროს" ჟურნალისტების ნინო ჟიჟილაშვილისა და სოფო ბერიძის წინააღმდეგ" და "ვიქტორ წილოსანი სტუდია "მონიტორის" ჟურნალისტების ნანა ბიგანიშვილისა და ნინო ზურიაშვილის წინააღმდეგ. ქარტიის საბჭოს გადაწყვეტილებით:

• საქმეზე "თი-ვი ემ-არ საქართველო" ტელეკომპანია "მაესტროს" ჟურნალისტების სოფო ბერიძის და ნინო ჟიჟილაშვილის წინააღმდეგ, ჟურნალისტებმა დაარღვიეს ქარტიის პირველი პრინციპი.
• საქმეზე "ვიქტორ წილოსანი ნინო ზურიაშვილის ნანა ბიგანიშვილის წინააღმდეგ", საბჭომ ასევე მიიჩნია, რომ ჟურნალისტებმა დაარღვიეს ქარტიის პირველი პრინციპი.

ორივე საქმეზე სრული გადაწყვეტილება გამოქვეყნდება ქარტიის ოფიციალურ ვებგვერდზე

ჟურნალისტური ეთიკის ქარტის საბჭომ დასაშვებად ცნო ვიქტორ წილოსანის განცხადება სტუდია "მონიტორის" ჟურნალისტების, ნინო ზურიაშვილის და ნანა ბიგანიშვილის წინააღმდეგ. განმცხადებლის პრეტენზია ეხება ქარტიის პირველ მუხლს, რომელიც

2014 წლის 30 ნოემბერს დასრულდა საკონკურსო ნამუშევრების მიღება "ქარტიის პრიზზე" სულ შემოსულია 43 ნამუშევარი, რომლის განხილვასაც "ქარტიის პრიზის" ჟიური უახლოეს დღეებში დაიწყებს. ჟურნალისტური ეთიკის ქარტიის ყოველწლიურ კონკურსზე წელს გამოცხადებული იყო 4 ნომინაცია:

ქარტიის საბჭომ დასაშვებად ცნო შპს "თი-ვი ემ-არ საქართველოს" განცხადება ტელეკომპანია "მაესტროს" ჟურნალისტების, სოფო ბერიძის და ნინო ჟიჟილაშვილის წინააღმდეგ. საქმე ეხება ტელეკომპანიის ეთერში 11 და 18 ნოემბერს, ახალი ამბ

2014 წლის 20 ოქტომბერს გაიმართა საქართველოს ჟურნალისტური ეთიკის ქარტიის საბჭოს სხდომა, რომელზეც განიხილებოდა ზურაბ ჯაფარიძის და ირმა ნადირაშვილის განცხადება საინფორმაციო სააგენტო "ინტერპრესნიუსის" წინააღმდეგ. განცხადება ეხებოდა საინფორმაციო სააგენტო "ინტერპრესნიუსზე", 2014 წლის 19 ივნისს განთავსებულ ნიუსს: "არსებული ინფორმაციით ირმა ნადირაშვილი და ზურაბ ჯაფარიძე აზერბაიჯანში დააკავეს". განმცხადებლები ქარტიის პირველი და მეხუთე პრინციპების დარღვევაზე მიუთითებდნენ. ქარტიის საბჭომ მიიჩნია, რომ "ინტერპრესნიუსის" მიერ გამოქვეყნებულ ნიუსში დაირღვა ქარტიის პირველი პრინციპი. საბჭოს დასაბუთებული გადაწყვეტილება გამოქვეყნდება ქარტიის ვებგვერდზე.

ჟურნალისტური ეთიკის ქარტია იწყებს ნამუშევრების მიღებას "ქარტიის პრიზის " მოსაპოვებლად. კონკურსის მიზანია, ხელი შეუწყოს პროფესიული სტანდარტების დამკვიდრებას და ეთიკური ჟურნალისტიკის წახალისებას.

21 სექტემბერს, ბათუმში გამართული მედიაკონფერენცია რეგიონული მედიის თემით გაიხსნა. ფონდ "ღია საზოგადოება საქართველოსა" და ჟურნალისტური ეთიკის ქარტიის მიერ ორგანიზებული კონფერენციის აჭარაში გამართვის მიზეზიც სწორედ რეგიონული მედიის როლისა და მნიშვნელობის გამოკვეთა იყო. მედიაკონფერენცია ფონდის დირექტორმა ქეთი ხუციშვილმა გახსნა, რომელმაც კონფერენციის მნიშვნელობაზე

2014 წლის 31 აგვისტოს გაიმართა საქართველოს ჟურნალისტური ეთიკის ქარტიის საბჭოს სხდომა. საქმეზე, სადაზღვევო კომპანია "ჯიპიაი ჰოლდინგი" თეა ზიბზიბაძის და ანა ჯანაშიას წინააღმდეგ, საბჭომ მიიჩნია, რომ ჟურნალისტებმა დაარღვიეს ქარტიის პირველი, მეხუთე და მეათე პრინციპები. განცხადება ეხებოდა ვებ გვერდ   http://www.newpress.ge ზე გამოქვეყნებულ სტატიებს ვანში მომხდარ ტრაგედიასთან დაკავშირებით (მედიის ინფორმაციით, მამამ შვილისთვის ოპერაციის ფულის შესაგროვებლად თავი მოიკლა).

საქმეზე, სადაზღვევო კომპანია "ჯიპიაი ჰოლდინგი" ხათუნა მგალობლიშვილის წინააღმდეგ, საბჭომ მიიჩნია, რომ ჟურნალისტმა დაარღვია ქარტიის პირველი, მეხუთე და მერვე პრინციპები. განცხადება ეხებოდა გაზეთ "პრაიმ თაიმში" 2014 წლის 14 აპრილს გამოქვეყებულ სტატიას სათაურით "თვითმკვლელი მამის ტრაგედია".

საქმეზე, სადაზღვევო კომპანია "ჯიპიაი ჰოლდინგი" ჯაბა ხუბუას წინააღმდეგ, საბჭომ მიიჩნია, რომ ჟურნალისტმა დაარღვია ქარტიის პირველი, მესამე, მეხუთე, მერვე და მეთერთმეტე პრინციპები. განცხადება ეხებოდა  გაზეთ "ასავალ-დასავალში"  2014 წლის 21 აპრილს გამოქვეყნებულ სტატიას "რა კავშირი აქვს ვანის რაიონის სოფელ გორაში დატრიალებულ შემზარავ ტრაგედიასთან მამუკა ხაზარაძეს".

პრინციპი 1 : "ჟურნალისტმა პატივი უნდა სცეს სიმართლეს და საზოგადების უფლებას – მიიღოს ზუსტი ინფორმაცია".
პრინციპი 3:  "ჟურნალისტმა უნდა გადასცეს ინფორმაცია მხოლოდ იმ ფაქტებზე დაყრდნობით, რომელთა წყარო დადასტურებულია. ჟურნალისტმა არ უნდა მიჩქმალოს მნიშვნელოვანი ფაქტები, არ უნდა გააყალბოს დოკუმენტები და ინფორმაცია"
პრინციპი 5:  "მედია ვალდებულია, შეასწოროს გამოქვეყნებული არსებითად არაზუსტი ინფორმაცია, რომელსაც შეცდომაში შეჰყავს საზოგადოება".
პრინციპი 8:  "ჟურნალისტი ვალდებულია, დაიცვას ბავშვის უფლებები; პროფესიული საქმიანობისას უპირატესი მნიშვნელობა მიანიჭოს ბავშვის ინტერესებს, არ მოამზადოს და არ გამოაქვეყნოს ბავშვების შესახებ ისეთი სტატიები ან რეპორტაჟები, რომლებიც საზიანო იქნება მათთვის. ჟურნალისტმა არ უნდა ჩამოართვას ინტერვიუ და არ უნდა გადაუღოს ფოტო 16 წელზე ნაკლები ასაკის მოზარდს მშობლის ან მეურვის თანხმობის გარეშე იმ საკითხებზე, რომლებიც მისი ან სხვა რომელიმე მოზარდის კეთილდღეობას ეხება".
პრინციპი 10:  "ჟურნალისტმა პატივი უნდა სცეს ადამიანის პირად ცხოვრებას და არ შეიჭრას პირად ცხოვრებაში, თუ არ არსებობს განსაკუთრებული საზოგადოებრივი ინტერესი".
პრინციპი 11:  "ჟურნალისტმა უმძიმეს პროფესიულ დანაშაულად უნდა მიიჩნიოს შემდეგი ქმედებები - ფაქტის განზრახ დამახინჯება". საბჭოს დასაბუთებული გადაწყვეტილება სამივე საქმეზე გამოქვეყნდება ქარტიის ვებგვერდზე.