საქართველოს ჟურნალისტურმა ეთიკის ქარტიამ 20-21 თებერვალს თბილისში ქარტიის წევრებისთვის გამართა ტრენინგი "მონაცემთა გადამოწმება და ეთიკური გამოწვევები სოციალურ მედიაში".

 

23 იანვარს საქართველოს ჟურნალისტურიეთიკის ქარტიამ პროექტის "ლიბერალიზმის სასწავლო ცენტრის" მონაწილეებს სერთიფიკატებს გადასცა და აქტივობები შეაჯამა. ერთი წლის განმავლობაში 40-მა სტუდენტმა გაიარა კურსი.

საქართველოს ჟურნალისტური ეთიკის ქარტია აცხადებს ვაკანსიას მედიამონიტორის პოზიციაზე. სამუშაოს ხანგრძლივობა: 2016 წლის მარტი - ივნისი. ძირითადი მოთხოვნები:

• ჟურნალისტად მუშაობის მინიმუმ სამწლიანი გამოცდილება;
• მედიამონიტორინგის ჩატარების გამოცდილება ჩაითვლება უპირატესობად;
• რაოდენობრივი და თვისებრივი მონაცემების ანალიზის უნარი;
• ქართული ენის სრულყოფილად ცოდნა;
• საოფისე პროგრამების ცოდნა.

20 იანვარს "ფრონტლაინ კლუბში" მედიაკრიტიკის პლატფორმამ mediachecker.ge-მ საქმიანობა შეაჯამა. შეხვედრაზე  მედიაეთიკასთან და პროფესიულ სტანდარტებთან დაკავშირებული საკითხები განიხილეს.

12 იანვარს გავრცელდა ინფორმაცია, რომ "ტაბულას" ჟურნალისტებს ირაკლი კიკნაველიძეს, ლევან სუთიძეს და ნინო მაჭარაშვილს რესტორან "ჭაშნაგირში" რამდენიმე პირი თავს დაესხა,

საქართველოს ჟურნალისტური ეთიკის საბჭო ეხმაურება "ტელეარხი 25-ის" მფლობელების მიერ საინფორმაციო სამსახურის უფროსის,

ჟურნალისტური ეთიკის ქარტიის საბჭოს გადაწყვეტილებით, ონლაინგამოცემა Freshnews.ge-ის ჟურნალისტმა მაკა ჩიხლაძემ დაარღვია საქართველოს ჟურნალისტური ეთიკის ქარტიის პირველი პრინციპი, რომლის თანახმადაც ჟურნალისტმა პატივი უნდა სცეს სიმართლეს და საზოგადოების უფლებას მიიღოს ზუსტი ინფორმაცია.

განმცხადებელი, ელენე სიჭინავა მიიჩნევდა, რომ Freshnews.ge-ზე გამოქვეყნებული მასალით : "ეკა ბესელიას შვილი ახალ სკანდალში ეხვევა, რა მოხდა ფოთში?" გარდა პირველი პრინციპისა, დაირღვა მე–3 და მე–11 (ა ) პრინციპი. მესამე მუხლის თანახმად,  ჟურნალისტმა უნდა გადასცეს ინფორმაცია მხოლოდ იმ ფაქტებზე დაყრდნობით, რომელთა წყარო დადასტურებულია. მე-11 პრინციპის ა პუნქტი კი ამბობს, რომ ჟურნალისტმა უმძიმეს პროფესიულ დანაშაულად უნდა მიიჩნიოს ფაქტის განზრახ დამახინჯება. საბჭომ განიხილა აღნიშნული საქმე და მიიჩნია, რომ ჟურნალისტმა მაკა ჩიხლაძემ დაარღვია ქარტიის  პირველი პრინციპი.  მე-3 და მე-11 პრინციპები კი არ დაურღვევია.

ჟურნალისტური ეთიკის ქარტიის საბჭოს გადაწყვეტილებით, ჟურნალ "თბილისელების" ჟურნალისტმა ეკა ბარაბაძემ დაარღვია საქართველოს ჟურნალისტური ეთიკის ქარტიის მე-7 პრინციპი. ამ პრინციპის მიხედვით, ჟურნალისტს უნდა ესმოდეს მედიის მიერ დისკრიმინაციის წახალისების საფრთხე და ყველაფერი უნდა იღონოს დისკრიმინაციის თავიდან ასაცილებლად.

ჟურნალისტური ეთიკის ქარტიის საბჭოს გადაწყვეტილებით, გაზეთ "ახალი ხარაგაულის" ჟურნალისტს მარიანა ბურჯალიანს არ დაურღვევია ქარტიის მე-11 პრინციპის მე-3 ნაწილი, რომლის თანახმადაც "ჟურნალისტმა უმძიმეს პროფესიულ დანაშაულად უნდა მიიჩნიოს შემდეგი ქმედება - პლაგიატი".

საქართველოს ჟურნალისტური ეთიკის ქარტიის საბჭოს გადაწყვეტილებით, ონლაინ გამოცემა news.ge-ის სტატიაში "ენერგომაფიის დაბრუნება" – ანონიმური წერილი "თელასიდან" და ახალი ბრალდებები მოსამართლე ურთმელიძის წინააღდეგ" დაირღვა პირველი პრინციპი, რომლის თანახმადაც "ჟურნალისტმა პატივი უნდა სცეს სიმართლეს და საზოგადოების უფლებას – მიიღოს ზუსტი ინფორმაცია". საბჭომ განცხადება 19 დეკემბერს განიხილა. საქმის განხილვას მხოლოდ გამცხადებელი, სს თელასის წარმომადგენელი ესწრებოდა. news.ge-მ კი თავისი პოზიცია წერილობით დააფიქსირა.

საქართველოს ჟურნალისტურ ქარტიაში განსახილველად ორი ახალი განცხადება შევიდა. ქარტიის საბჭოს სს "თელასმა" მიმართა. ის მიიჩნევს, რომ ქარტიის პირველი, მესამე და მეხუთე პრინციპები დაირღვა 2015 წლის, 18 ნოემბერს, news.ge –ზე