საქართველოს ჟურნალისტური ეთიკის ქარტიის მე-9 საერთო კრება გაიმართა 23 დეკემბერს. ქარტიის წევრებმა აირჩიეს საბჭოს სამი ახალი წევრი - თბილისის კვოტით ლიკა ზაკაშვილი, რეგიონის კვოტით კი მაია მერკვილაძე და გელა მთივლიშვილი. მათ ამ პოზიციაზე ჩაანაცვლეს მაია მეცხვარიშვილი, თაზო კუპრეიშვილი და ჯაბა ანანიძე. მომდევნო ერთი წლის განმავლობაში საბჭოს კვლავ გიორგი მგელაძე უხელმძღვანელებს.

ქარტიის წევრებმა იმსჯელეს ორგანიზაციის წინაშე არსებულ გამოწვევებზე და მათი გადაჭრის გზებზე. საერთო კრებას წლიური ანგარიში ჩააბარეს აღმასრულებელმა დირექტორმა ნატა ძველიშვილიმა, საბჭოს თავმჯდომარემ გიორგი მგელაძემ და სარევიზიო კომისიის თავმჯდომარემ ირმა ზოიძემ.