კატეგორია : ანონსი;
საქართველოს ჟურნალისტური ეთიკის ქარტიას განცხადებით მომართა ალექსანდრე ელისაშვილმა.
სადავო მასალა ტელეკომპანიის “რუსთავი 2” ეთერში 2026 წლის 31 მარტს გადაცემაში “კურიერი” 21:08 სთ-ზე გავიდა. ის ეხება თბილისის საქალაქო სასამართლოს არქივის შენობის დაწვის მცდელობის ფაქტზე ალექსანდრე ელისაშვილისთვის ბრალის წარდგენას.
განმცხადებელი მიიჩნევს, რომ სადავო მასალაში ქარტიის პირველი (სიზუსტე), მე-5 (შესწორება), მე-7 (დისკრიმინაცია) და მე-11 (ფაქტის განზრახ დამახინჯება) პრინციპები დაირღვა.
მოპასუხე ჟურნალისტებად განმცხადებლის მხრიდან გადაცემის წამყვანები დავით კაკულია და ნათია ლაზაშვილი, ასევე სიუჟეტის ავტორი, არაიდენტიფიცირებული ჟურნალისტი დასახელდნენ.
ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.
