ტელეკომპანია "რუსთავი 2-ის" ჟურნალისტს, დავით დვალიშვილს “პლატფორმა ახალი შესაძლებლობებისთვის”, ქარტიის მეათე პრინციპის დარღვევას ედავება. მეათე პრინციპი პირადი ცხოვრების ხეულშეუხებლობას გულისხმობს ჟურნალისტის მხრიდან, იმ შემთხვევის გარდა, თუ ამ საქმეზე არ არსებობს განსაკუთრებული საზოგადოებრივი ინტერესი.

სადავო მასალა ეხება შეზღუდული შესაძლებლობის მქონე პირის წინააღმდეგ სავარაუდო ძალადობის ფაქტს. განმცხადებლის აზრით, სიუჟეტში მსხვერპლის სახელისა და გვარის დასახელება არღვევს ქარტიის პრინციპს.

ქარტიის სამდივნომ განცხადება დასაშვებად სცნო და საბჭო საქმეს ღია სხდომაზე განიხილავს.