საქართველოს ჟურნალისტური ეთიკის ქარტიას განცხადებით მომართა კახა წიქარიშვილმა ტელეკომპანიების “რუსთავი 2” და “პოსტივი” არაიდენტიფიცირებული ჟურნალისტების წინააღმდეგ.

სადავო ჟურნალისტური პროდუქტი 2026 წლის 6 ოქტომბერს გამოქვეყნდა “რუსთავი 2-ის” და “პოსტივის” გვერდებზე სოციალურ ქსელში. საინფორმაციო ბარათი (“ქარდი” “რუსთავი 2-ზე) და ინტერვიუს ვიდეო ფრაგმენტი (“პოსტივიზე”) პატიმარ გიორგი დავითაძის შესაძლო გაუპატიურების ფაქტს ეხებოდა.

განმცხადებელი მიიჩნევს, რომ სადავო მასალაში ქარტიის პირველი (სიზუსტე) და მე-11 ( ფაქტის განზრახ დამახინჯება) პრინციპები დაირღვა.

განმცხადებლის მხრიდან მოპასუხედ “რუსთავი 2-ის” და “პოსტივის” არაიდენტიფიცირებული ჟურნალისტები განისაზღვრენ.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.