ქარტიის პრიზი 2026

01.11.2026

კატეგორია : განცხადებები;

საქართველოს ჟურნალისტური ეთიკის ქარტია იწყებს განაცხადების მიღებას „ქარტიის პრიზი 2026“-ის მოსაპოვებლად. ყოველწლიური კონკურსის მიზანია ეთიკური ჟურნალისტიკის განვითარების ხელშეწყობა და პროფესიული სტანდარტების დამკვიდრება.

კონკურსი ცხადდება შემდეგ ექვს კატეგორიაში

სტატია/მულტიმედია სტატია ონლაინ მედიაში.
სიღრმისეული ან საგამოძიებო ნამუშევარი.
ფოტო/ფოტორეპორტაჟი ონლაინ ან ბეჭდურ მედიაში.
სატელევიზიო ან რადიო რეპორტაჟი.
ადგილობრივი პრობლემის საუკეთესო გაშუქება.
ქალთა უფლებებისა და გენდერული თანასწორობის გაშუქება. პრიზი დაწესებულია გაეროს ქალთა ორგანიზაციის მიერ.

გამარჯვებულებს დამოუკიდებელი ჟიური შეარჩევს.

დამატებით, მედიის ადვოკატირების კოალიცია გასცემს სპეციალურ პრიზს სიტყვის თავისუფლების დაცვისა და ჟურნალისტიკის განვითარებაში შეტანილი განსაკუთრებული წვლილისთვის.

განაცხადის შესავსებად გადადით ბმულზე

https://forms.gle/hj37YVMvKuHLP8vw7

პროცედურები და შერჩევის კრიტერიუმები

კონკურსის მონაწილეებმა უნდა წარადგინონ მედიაპროდუქტი, რომელიც გამოქვეყნდა 2025 წლის 5 ნოემბრიდან 2026 წლის 1 ნოემბრამდე პერიოდში.

საკონკურსოდ მასალის წარდგენა შეუძლია როგორც ჟურნალისტს ინდივიდუალურად, ისე მედიასაშუალებას.

მონაწილეობის მსურველმა უნდა წარადგინოს გამოქვეყნებული მასალის ბმული. იმ შემთხვევაში, თუ საკონკურსო ნამუშევარი ინტერნეტ სივრცეში არ იძებნება, კონკურსანტს შეუძლია გამოგზავნოს ჩანაწერი, სტატიის შემთხვევაში კი მისი სკანირებული ან სქრინ ვერსია.

მონაწილეობის მსურველმა უნდა შეავსოს აპლიკაცია.

დამატებითი მასალები (არსებობის შემთხვევაში) გამოგზავნეთ შემდეგ ელექტრონულ მისამართზე: ethicscharter@gmail.com

თითოეულ აპლიკანტს შეუძლია კონკურსზე წარადგინოს მხოლოდ ერთი ნამუშევარი და მხოლოდ ზემოთ ჩამოთვლილი ექვსი კატეგორიიდან ერთ-ერთში.

კონკურსში მონაწილეობას ვერ მიიღებენ ქარტიის საბჭოს მოქმედი წევრები და მოქმედი თანამშრომლები/კონტრაქტორები.

კატეგორიაში “ქალთა უფლებებისა და გენდერული თანასწორობის გაშუქება” მონაწილეობას ვერ მიიღებენ ამავე კატეგორიაში “ქარტიის პრიზი 2024” და “ქარტიის პრიზი 2025” გამარჯვებულები.

საკონკურსო ნაშრომი მომზადებული უნდა იყოს საქართველოს აუდიტორიისთვის.

საკონკურსო ნამუშევრების მიღების ბოლო ვადაა 2026 წლის 20 ნოემბერი, 18:00 საათი.

გამარჯვებული გამოვლინდება 2026 წლის დეკემბერში.

ნამუშევრების შეფასება

ჟურნალისტური პროდუქტის შეფასებისას ამოსავალია ის პროფესიული და ეთიკური სტანდარტები, რომელთაც საქართველოს ჟურნალისტური ეთიკის ქარტია ეფუძნება.

ზოგადი კრიტერიუმები

კატეგორიისთვის „სტატია/მულტიმედია სტატია ონლაინ მედიაში“

თემის აქტუალობა/თემის მიმართ მაღალი საზოგადოებრივი ინტერესი

ინფორმაციის სიზუსტე

ფაქტების და მოსაზრებების გამიჯვნა, მიუკერძოებლობა

მხარეთა ბალანსი

ინფორმაციის წყაროთა მრავალფეროვნება

თხრობის სტილი და ტექნიკა

ინფორმაციის გადმოცემის ხერხების მრავალფეროვნება

სტატიის შემთხვევაში: ა) თხრობის სტილი და ტექნიკა; ბ) ინფორმაციის გადმოცემის ხერხების მრავალფეროვნება

მულტიმედია სტატიის შემთხვევაში: დრამატურგია და ვიზუალური მხარე

არ უნდა იყოს გამოყენებული სიძულვილის ენა

კატეგორიისთვის „სიღრმისეული ან საგამოძიებო ნამუშევარი“

თემის აქტუალობა/თემის მიმართ მაღალი საზოგადოებრივი ინტერესი

ინფორმაციის სიზუსტე

ფაქტების და მოსაზრებების გამიჯვნა, მიუკერძოებლობა

მხარეთა ბალანსი

ინფორმაციის წყაროთა მრავალფეროვნება

სატელევიზიო ფილმის/სიუჟეტის ან მულტიმედიის შემთხვევაში: დრამატურგია და ვიზუალური მხარე

არ უნდა იყოს გამოყენებული სიძულვილის ენა

კატეგორიისთვის „ფოტო/ფოტორეპორტაჟი ონლაინ ან ბეჭდურ მედიაში“

თემის შერჩევა და ინტერპრეტაცია

ტექნიკური ოსტატობა

ორიგინალურობა და კრეატიულობა

ემოციური გავლენა და თხრობა

კატეგორიისთვის „სატელევიზიო ან რადიო რეპორტაჟი “

თემის აქტუალობა/თემის მიმართ მაღალი საზოგადოებრივი ინტერესი

ინფორმაციის სიზუსტე

ფაქტების და მოსაზრებების გამიჯვნა, მიუკერძოებლობა

მხარეთა ბალანსი

ინფორმაციის წყაროთა მრავალფეროვნება

სატელევიზიო რეპორტაჟის შემთხვევაში: დრამატურგია და ვიზუალური მხარე

რადიორეპორტაჟის შემთხვევაში: დრამატურგია და ხმოვანი ეფექტები

არ უნდა იყოს გამოყენებული სიძულვილის ენა

კატეგორიისთვის „ადგილობრივი პრობლემების საუკეთესო გაშუქება“

თემის აქტუალობა/თემის მიმართ მაღალი საზოგადოებრივი ინტერესი

ინფორმაციის სიზუსტე

ფაქტების და მოსაზრებების გამიჯვნა, მიუკერძოებლობა

მხარეთა ბალანსი

ინფორმაციის წყაროთა მრავალფეროვნება

სატელევიზიო ფილმის/სატელევიზიო სიუჟეტის ან მულტიმედია სტატიის/მულტიმედია პროექტის შემთხვევაში: დრამატურგია და ვიზუალური მხარე

რადიოსიუჟეტის/რადიოგადაცემის შემთხვევაში: დრამატურგია და ხმოვანი ეფექტები

არ უნდა იყოს გამოყენებული სიძულვილის ენა

კატეგორიისთვის „ქალთა უფლებებისა და გენდერული თანასწორობის გაშუქება“

თემის აქტუალობა/თემის მიმართ მაღალი საზოგადოებრივი ინტერესი

ინფორმაციის სიზუსტე

ფაქტების და მოსაზრებების გამიჯვნა, მიუკერძოებლობა

მხარეთა ბალანსი

ინფორმაციის წყაროთა მრავალფეროვნება

თხრობის სტილი და ტექნიკა

ინფორმაციის გადმოცემის ხერხების მრავალფეროვნება

სატელევიზიო სიუჟეტის და მულტიმედია პროექტის შემთხვევაში: დრამატურგია და ვიზუალური მხარე

არ უნდა იყოს გამოყენებული სიძულვილის ენა და გენდერულად არამგრძნობიარე, შეუფერებელი ლექსიკა .

მსგავსი სიახლეები

27 ოქტომბერს ქარტიის საბჭო ლილი ონიანის განცხადებას განიხილავს

27 ოქტომბერს, სამშაბათს, 20:00 საათზე, ქარტიის საბჭო განიხილავს
ლილი ონიანის განცხადებას “TV პირველის” ჟურნალისტის წინააღმდეგ.
სადავო მასალა
“TV პირველის” გადაცემის “მელაძის შაბათი” ეთერში 2026 წლის 5 მაისს
გავიდა. განმცხადებელი მიიჩნევს, რომ აღნიშნულ ჟურნალისტურ პროდუქტში
დარღვეულია ეთიკის სტანდარტები.
განმცხადებელი დავობს ქარტიის პირველი (სიზუსტე), მე-8 (ბავშვთა
ინტერესი) და მე-10 (პირადი ცხოვრების ხელშეუხებლობა) პრინციპების
დარღვევაზე.
მოპასუხე ჟურნალისტად სიუჟეტის ავტორი მარიამ გაფრინდაშვილი
განისაზღვრა.
ქარტიის საბჭო განცხადებას განიხილავს და
გადაწყვეტს, სადავო ჟურნალისტურ პროდუქტში დაირღვა თუ არა ქარტიის
პრინციპები.

სხდომა წარიმართება ონლაინ რეჟიმში, პლატფორმა ZOOM-ის მეშვეობით.
საქმის განხილვა ღიაა და ნებისმიერ მსურველს შეუძლია დასწრება.
სხდომაზე დასწრებისთვის საჭირო მონაცემების მისაღებად, მოგვწერეთ ელ.
ფოსტაზე: ethicscharter@gmail.com

25.10.2026

ქარტია ეხმაურება „ასავალ-დასავალის“ ჟურნალისტის, დიტო ჩუბინიძის, საბოტაჟის ბრალდებით დაკავებას

This statement is bilingual. For English please scroll
down.

22 ოქტომბერს, პროკურატურამ,
მოსამართლის განჩინების საფუძველზე, სამშობლოს ღალატის, კერძოდ კი
საბოტაჟის ბრალდებით დააკავა „ასავალ-დასავალის“ ჟურნალისტი დიტო
ჩუბინიძე. მას უწყება 2026 წლის თებერვლიდან მოყოლებული, სხვადასხვა
მედიასაშუალებისა და სოციალური მედიის გამოყენებით, გამოგონილ
ფაქტებზე დაყრდნობით, ცრუ და დეზინფორმაციული ცნობების სისტემატურ
გავრცელებას ედავება.

დიტო ჩუბინიძისთვის წარდგენილი ბრალი სასჯელის სახით ოთხ წლამდე
თავისუფლების აღკვეთას ითვალისწინებს. პროკურატურა ბრალდებულისთვის
აღკვეთის ღონისძიების სახით პატიმრობის გამოყენებას
მოითხოვს.

პროკურატურის განცხადებით, დიტო ჩუბინიძემ განზრახ, საქართველოს
სახელმწიფოს კანონიერი ინტერესების საზიანოდ, განახორციელა საბოტაჟი,
რითაც ხელი შეუშალა საქართველოს სახელმწიფო საზღვრის დელიმიტაციისა და
დემარკაციის სამთავრობო კომისიის ნორმალურ ფუნქციონირებას.

ჟურნალისტის სისხლისსამართლებრივ პასუხისგებაში მიცემა სამშობლოს
ღალატის უმძიმესი მუხლით, მტკიცებულებების თვალსაზრისით განსაკუთრებით
მაღალ სტანდარტს საჭიროებს.

ქარტია ელის პასუხს, აქვს თუ არა პროკურატურას საკმარისი
მტკიცებულებები იმისთვის, რომ გამოკვეთოს განზრახვა და დაასაბუთოს
რეალური ზიანი. წინააღმდეგ შემთხვევაში, გამოვა, რომ დიტო ჩუბინიძის
წინააღმდეგ საქმეში მხოლოდ ჟურნალისტური ნამუშევრები, სხვადასხვა
მედიისთვის მიცემული ინტერვიუები და სოციალურ ქსელში გავრცელებული
მოსაზრებებია. მხოლოდ ამის საფუძველზე სისხლისსამართლებრივ
პასუხისგებაში ჟურნალისტის მიცემა კი საშიშ პრეცედენტს
ქმნის.

პროკურატურის დღევანდელ განცხადებაში ამ შეკითხვებზე პასუხი არ ჩანს -
სწორედ ამის გამო, ქარტია ყურადღებით მიადევნებს თვალს საქმეში
წარმოდგენილ მტკიცებულებებს და იმ სტანდარტების შესრულებას, რასაც
ბრალად წარდგენილი მუხლი უნდა აკმაყოფილებდეს.

ქარტია მოუწოდებს პროკურატურას, საზოგადოების მიმართ მეტი
ანგარიშვალდებულება გამოიჩინოს, ვინაიდან საქმე ჟურნალისტურ
საქმიანობას ეხება, და საქმეში არსებული მტკიცებულებები
გაასაჯაროვოს.

The
Charter Responds to the Arrest of Asaval-Dasavali Journalist Dito
Chubinidze on Charges of Sabotage
On October 22, the Prosecutor’s Office, acting on a judicial
warrant, arrested Dito Chubinidze, a journalist for
Asaval-Dasavali, on charges of treason, specifically sabotage. The
agency alleges that, beginning in February 2026, he systematically
disseminated false and misleading information based on fabricated
facts across various media outlets and social media platforms.

The charge against Dito Chubinidze carries a potential prison
sentence of up to four years. The Prosecutor’s Office is seeking
his detention as a preventive measure.

According to the Prosecutor’s Office, Dito Chubinidze intentionally
committed sabotage to the detriment of the lawful interests of the
Georgian state, thereby obstructing the normal functioning of the
Government Commission for the Delimitation and Demarcation of
Georgia’s State Border.

Holding a journalist criminally liable on the serious charge of
high treason requires an exceptionally high evidentiary
standard.

The Charter seeks clarification as to whether the Prosecutor’s
Office has sufficient evidence to establish intent and substantiate
actual harm. Otherwise, it would appear that the case against Dito
Chubinidze is based solely on his journalistic work, interviews
with various media outlets, and opinions expressed on social media.
Subjecting a journalist to criminal prosecution on these grounds
alone would set a dangerous precedent.

The Prosecutor’s Office’s statement issued today fails to address
these questions. Consequently, the Charter will closely monitor the
evidence presented in the case, as well as compliance with the
legal standards applicable to the charge in question.

Given that this case concerns journalistic activity, the Charter
urges the Prosecutor’s Office to demonstrate greater accountability
to the public by making the evidence in the case available to the
public.

22.10.2026

ქარტია საკონსტიტუციო სასამართლოს მოუწოდებს, ჟურნალისტებს მისცეს სხდომათა დარბაზში გადაღების უფლება

This statement is bilingual. For English please scroll
down.
საკონსტუტიციო სასამართლომ დამოუკიდებელ მედიას არ მისცა
უფლება, ეწარმოებინა ფოტო და/ან ვიდეო გადაღება ხუთი პოლიტიკური
პარტიის კონსტიტუციურობის და აკრძალვის შესახებ სარჩელის არსებით
განხილვაზე, რომელიც დღეს, 21 ოქტომბერს დაიწყო და სამი დღე
გასტანს.
დარბაზში ახლა მხოლოდ საზოგადოებრივი მაუწყებლის კამერა
მუშაობს, რომელიც სხდომას პირდაპირ ეთერში გადასცემს და სიგნალს
აწვდის სხვა მედიებს.
სხდომა სასამართლოს YouTube არხითაც
გადაიცემა.
მიუხედავად იმისა, რომ ამ ზომების ერთობლიობით სხდომების
საჯაროობა ნაწილობრივ უზრუნველყოფილია, ქარტია საკონსტიტუციო
სასამართლოს გადაწყვეტილებას, ფოტო და ვიდეო გადაღება აეკრძალა
დამოუკიდებელი მედიისთვის, მაინც პრობლემურად მიიჩნევს.
საკონსტიტუციო სასამართლოს პრეს-სამსახური, ზეპირ
საუბარში, ამ გადაწყვეტილებას სხდომათა დარბაზში ადგილების შეზღუდული
რაოდენობით ხსნის. თუმცა, არ განმარტავს, რის საფუძველზე მიანიჭა მან
პრიორიტეტი საზოგადოებრივ მაუწყებელს და რატომ იქნებოდა შეუძლებელი
სხვა მედიასაშუალებების განცხადებების დაკმაყოფილება და მათთვის
ადგილიდან გადაღების უფლების მიცემა. იკვეთება მედიის მიმართ
შერჩევითი დამოკიდებულებაც.
საკონსტიტუციო სასამართლოში გადაღების საკითხს
საკონსტუტუციო სასამართლოს რეგლამენტი აწესრიგებს (მუხლი 24, დასწრება
საკონსტიტუციო სასამართლოს ღია სხდომაზე, პუნქტი 2). ჩანაწერი ზოგადია
და რომელიმე ფორმატის მედიასაშუალებას პრიორიტეტს არ ანიჭებს. მასში
ვკითხულობთ, რომ თუ სხდომაზე დამსწრე პირს სასამართლო სხდომაზე რადიო,
ტელე, აუდიო ან ვიდეოჩანაწერის გაკეთება სურს, მან საკონსტიტუციო
სასამართლოს სხდომის დაწყებამდე უნდა მიმართოს. დაშვების შესახებ
გადაწყვეტილება საქმის განმხილველმა სასამართლომ ასევე სხდომის
დაწყებამდე უნდა მიიღოს.
საქმისადმი, რომელსაც ახლა საკონსტიტუციო სასამართლო
იხილავს, საზოგადოებრივი ინტერესი გამორჩეულად დიდია. ქარტია
მიიჩნევს, რომ ამის გათვალისწინებით, საკონსტუტუციო სასამართლოს
ყველაფერი უნდა გაეკეთებინა მედიისთვის სამუშაო პირობების
შესაქმნელად, მათ შორის, მისთვის ვიდეო და ფოტოგადაღების უფლების
მიცემით.
საპირისპიროდ, საკონსტიტუციო სასამართლომ სწორედ ამ
პროცესისთვის შეცვალა დამკვიდრებული პრაქტიკა -
ჟურნალისტები ადასტურებენ, რომ დღევანდელ სხდომამდე, ისინი
საკონსტიტუციო სასამართლოში შეუზღუდავად მუშაობდნენ.
საკონსტიტუციო სასამართლოს ეს ახალი მიდგომა, შეიძლება
ითქვას, რომ გამოძახილია იმ მავნე პრაქტიკისა, რაც საერთო
სასამართლოებში უკვე კანონის საფუძველზე დააწესა „ქართულმა ოცნებამ”
და რის შედეგადაც მედიას სასამართლოებში გადაღება, ფაქტობრივად,
აკრძალული აქვს.
ქარტია საკონსტიტუციო სასამართლოს მოუწოდებს, შეცვალოს
გადაწყვეტილება და 22 და 23 ოქტომბრის სხდომებზე დააკმაყოფილოს
იმ მედიასაშუალებების განცხადებები, ვისაც ამ პროცესის ფოტო და ვიდეო
გადაღება სურთ.
The Charter Calls on the Constitutional Court to Allow
Journalists to Take Photos and Record Video Inside the
Courtroom
The Constitutional Court has denied independent media outlets
the right to take photographs or record video during the
substantive hearing of a case concerning the constitutionality and
potential banning of five political parties. The hearing began
today, October 21, and is scheduled to last three days.
Currently, only a camera operated by the Public Broadcaster is
being used inside the courtroom. It is broadcasting the proceedings
live and providing a feed to other media outlets.
The hearing is also being streamed on the Court’s YouTube
channel.
Although these measures partially ensure public access to the
proceedings, the Charter considers the Constitutional Court’s
decision to prohibit independent media from taking photographs and
recording video problematic.
In a verbal communication, the Constitutional Court’s press
office explained that the decision was made due to the limited
number of seats available in the courtroom. However, it did not
explain why the Public Broadcaster was given priority or why it was
impossible to accommodate the requests of other media outlets and
allow them to film from the courtroom. This also demonstrates a
selective approach to media access.
The issue of filming and recording inside the Constitutional
Court is governed by the Court’s Regulations (Article 24,
“Attendance at an Open Session of the Constitutional Court,”
Paragraph 2). The provision is general in nature and does not grant
priority to any specific type of media outlet. It states that
anyone wishing to make a radio, television, audio, or video
recording during a hearing must submit a request before the session
begins. The court hearing the case must decide whether to grant
permission before the session commences.
There is exceptionally high public interest in the case
currently before the Constitutional Court. The Charter believes
that, given this level of interest, the Court should have made
every effort to facilitate media coverage, including by granting
permission to take photographs and record video.
Instead, the Constitutional Court has departed from its
established practice specifically for these proceedings.
Journalists confirm that, before today’s hearing, they had been
able to work inside the Constitutional Court without such
restrictions. The Court’s new approach can be seen as reflecting a
harmful practice already established by Georgian Dream in the
common courts through legislation, which effectively prohibits the
media from filming or taking photographs inside courtrooms.
The Charter calls on the Constitutional Court to reverse its
decision and grant the requests of media outlets seeking to
photograph and record video during the hearings on October 22 and
23.

21.10.2026

შემოგვიერთდით Facebook-ზე

შესწორების სტანდარტი მედიაში - სახელმძღვანელო წესები

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.

როგორ შევიტანოთ განცხადება ქარტიაში?

ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.