18 სექტემბერს, ჟურნალისტური ეთიკის ქარტიის საბჭომ განიხილა ირაკლი ქავთარაძის განცხადება ონლაინ პლატფორმის “მთავარი” წინააღმდეგ. 

სადავო ჟურნალისტური პროდუქტი “მთავარმა”, სოციალურ ქსელში თავის გვერდზე, 2026 წლის 2 მაისს გამოაქვეყნა. ინფორმაცია არასრულწლოვნებს შორის ფიზიკურ დაპირისპირებას ეხება.

განმცხადებელი დავობდა ქარტიის პირველი (სიზუსტე), მე-3 (დადასტურებული წყარო), მე-5 (შესწორების ვალდებულება), მე-8 (არასრულწლოვანთა ინტერესები) და მე-10 (პირადი ცხოვრების ხელშეუხებლობა) პრინციპების დარღვევაზე.

განხილვის პროცესში, განმცხადებელმა მე-3 პრინციპი მოხსნა. 

საბჭოს გადაწყვეტილებით, ონლაინ პლატფორმის “მთავარი” არაიდენტიფიცირებულმა ჟურნალისტმა პირველი (სიზუსტე), მე-5 (შესწორება), მე-8 (არასრულწლოვანთა ინტერესები) და მე-10 (პირადი ცხოვრების ხელშეუხებლობა) პრინციპები დაარღვია.

მოპასუხე მედია საშუალების წარმომადგენელი სხდომას არ დასწრებია. 

საქმეზე სამოტივაციო ნაწილი მოგვიანებით გამოქვეყნდება.