„ქართული ოცნების“ ლიდერები მაუწყებლობის შესახებ კანონში შესატანი ცვლილებების აუცილებლობას მედიის თვითრეგულირების არსებული მექანიზმების სისუსტითა და არაეფექტურობით ასაბუთებენ. დაინიცირებული ცვლილებების მიღების შემთხვევაში პროფესიულ სტანდარტებთან დაკავშირებულ მთელ რიგ საკვანძო საკითხებს მაუწყებელთა ქცევის კოდექსის ნაცვლად მაუწყებლობის შესახებ კანონი დაარეგულირებს. 

საქართველოში ქარტიის სახით გვაქვს ეფექტურად მოქმედი თვითრეგულირების მექანიზმი 

საქართველოს ჟურნალისტური ეთიკის ქარტია არ იზიარებს მოსაზრებას, რომ საქართველოში მედიის მომხმარებლებს ამჟამად არ აქვთ შესაძლებლობა, თავიანთი ინტერესი თვითრეგულირების ორგანოში დაიცვან. ქარტიამ არსებობის 15 წლის განმავლობაში ამა თუ იმ მედია საშუალების თუ ცალკეული ჟურნალისტის მხრიდან პროფესიული სტანდარტის დარღვევის დასადგენად 800-მდე განცხადება განიხილა ობიექტურად და მიუკერძოებლად, საერთაშორისო სტანდარტების დაცვით და საუკეთესო პრაქტიკის შესაბამისად.  ქარტია ამაყობს წლების განმავლობაში გაწეული შრომით და მის მიერ დადგენილი პრაქტიკით. 

ცვლილებების წარმოდგენის დრო და კონტექსტი გვარწმუნებს, რომ შემოთავაზებული ცვლილებების მიზანი მედიის შეზღუდვაა 

„ქართული ოცნების“ მიერ დამოუკიდებელი და კრიტიკული მედიის წინააღმდეგ ფართო ფრონტით წარმოებული შეტევის ფონზე, ქარტიას ეჭვი ეპარება „ქართული ოცნების“ ლიდერების განზრახვის კეთილსინდისიერებაში და მიიჩნევს, რომ ამ ცვლილებებს „ქართული ოცნება“ აინიცირებს დამოუკიდებელი და კრიტიკული მედიისთვის სამოქმედო არეალის კიდევ უფრო შესაზღუდად, სამუშაო პირობების გასაუარესებლად, კრიტიკული ხმების ჩასახშობად და მედიის დასამორჩილებლად. 

შინაარსობრივი საკითხების რეგულირება აჩენს თვითცენზურისა და ცენზურის საფრთხეს 

საკითხები, რომელიც „ქართულ ოცნებას“ თვითრეგულირებიდან რეგულირებაში გადმოაქვს, ყველა განვითარებულ დემოკრატიაში მედიის თვითრეგულირების ორგანოებისა და სარედაქციო განსჯის საგანია. ქარტიისთვის მიუღებელია ამ საკითხებთან დაკავშირებულ დავებში არბიტრად საქართველოს კომუნიკაციის კომისიის შემოყვანა, რომლის დამოუკიდებლობასთან დაკავშირებით წლებია, დიდი კითხვის ნიშნები არსებობს, და რომლის მიმართ სრულიად სამართლიანად, ბევრი პრეტენზია აქვთ მედიებსა და საზოგადოებრივ ორგანიზაციებს. 

ჟურნალისტებს შეცდომებზე კოლეგებმა უნდა მიუთითონ და არა ჩინოვნიკებმა, რომელთაც სანქციების დაწესებისთვის ფართო მანდატი ეძლევათ.   

განვითარებას ხელს უწყობს თვითრეფლექსია და არა სადამსჯელო ღონისძიებები. 

შემოთავაზებული ცვლილებების შინაარსი სცდება თვითრეგულირების საკითხებს და შემზღუდავ ნორმებს პროფესიული სტანდარტად წარმოადგენს 

მიუღებელია პირადი ცხოვრების ხელშეუხებლობის სტანდარტის იმგვარად ინტერპრეტაცია, როგორც ეს არის მოცემული შემოთავაზებულ ცვლილებებში. წარმოდგენილი წესები ერთადერთ მიზანს ემსახურება - არ მისცეს ჟურნალისტებს საჯარო სივრცეებში, საჯარო პირებისთვის, საჯარო ინტერესით ნაკარნახები კითხვების დასმის შესაძლებლობა, რათა მათ ვერ შეძლონ კორუფციის, ადამიანის უფლებების დარღვევის, სოციალური პრობლემების და სხვა საკითხების გაშუქება და დისკომფორტი არ შეუქმნან „ქართული ოცნების“ წარმომადგენლებსა და მხარდამჭერებს.

შემოთავაზებული ცვლილებების ერთი ნაწილი უხეშად ერევა სარედაქციო გადაწყვეტილებებში და სარედაქციო გემოვნების საკითხებსაც არეგულირებს. 

შემოთავაზებული ცვლილებები იმგვარად შემბოჭავია, რომ ჟურნალისტებს ართმევს პროფესიული სტანდარტების დაცვით მუშაობის შესაძლებლობას

შემოთავაზებული ცვლილებები კიდევ უფრო მიუწვდომელს ხდის ჟურნალისტებისთვის თანამდებობის პირებსა და საჯარო მოხელეებს და ართულებს მათგან კომენტარის მოპოვებას. საჯარო ინფორმაციაზე წვდომისა და საჯარო პირებთან კომუნიკაციის ნაკლებობა ზრდის ჟურნალისტების მხრიდან შეცდომების დაშვების საფრთხეს, რომლებსაც ინფორმაციის მოსაპოვებლად ალტერნატიული წყაროების გამოყენება მოუწევთ. 

ყოველივე ზემოთქმული ქარტიისთვის ნათელს ხდის, რომ „ქართულ ოცნებას“ არ ამოძრავებს მედიაგარემოს გაჯანსაღებისა და საზოგადოებისათვის უფრო ხარისხიანი მედიაპროდუქტის მიწოდების ინტერესი.

შესაბამისად, ქარტია „ქართულ ოცნებას“ მოუწოდებს, შემოთავაზებული ცვლილებები გაიწვიოს და რეპრესიული მექანიზმების შემოღების ნაცვლად, თვითრეგულირების მექანიზმების გაძლიერებასა და ხელშეწყობაზე იზრუნოს. 

განმარტებისთვის:

ქარტიის საბჭო არჩევითი კოლეგიური ორგანოა, რომლის შემადგენლობა ყოველწლიურად ახლდება. კოლეგა ჟურნალისტების მიერ საერთო კრებაზე ფარული კენჭისყრით არჩეული საბჭოს წევრები მოხალისეობრივ საწყისებზე, მხარეთა ჩართულობით, იხილავენ პროფესიული სტანდარტის დარღვევასთან დაკავშირებულ განცხადებებს. ყოველი გადაწყვეტილება პროფესიონალთა ხანგრძლივი მსჯელობის შედეგია. 

ქარტიაში გაწევრება ნებისმიერ მოქმედ  ჟურნალისტს შეუძლია. შესაბამისად, ყველა მოქმედ ჟურნალისტს, ქარტიაში გაწევრებით, ეძლევა შესაძლებლობა, მონაწილეობა მიიღოს არჩევნებში, და კოლეგებისგან სათანადო მხარდაჭერის მოპოვების შემთხვევაში, ჩაერთოს ქარტიის საბჭოს საქმიანობასა და განცხადებების განხილვაში. ბოლო 15 წლის განმავლობაში ამ შესაძლებლობით ათეულობით ჟურნალისტმა ისარგებლა. 

ქარტია მრავალგვარი აქტივობით უწყობდა ხელს თვითრეგულირების იდეის პოპულარიზაციას როგორც ჟურნალისტურ წრეებში, ისე მედიის მომხმარებლებს შორის. ქარტია ამისთვის იყენებდა სატელევიზიო ეთერს, ატარებდა შეხვედრებს მოქალაქეებთან და საზოგადოებრივ ჯგუფებთან, ჟურნალისტებთან და  ჟურნალისტური სკოლების სტუდენტებთან. 

პროფესიული სტანდარტების დანერგვაში ჟურნალისტების ხელშესაწყობად ქარტიას მომზადებული აქვს 30-მდე მეგზური და ჩატარებული აქვს ათობით ტრენინგი. მან ასევე უმასპინძლა არაერთ შეხვედრას ეთიკურ დილემებზე სამსჯელოდ. ქარტია 2012 წლიდან ატარებს მედია კონტენტის მონიტორინგს მედიაგაშუქების პროფესიულ სტანდარტებთან შესაბამისობის დასადგენად და 2013 წლიდან მოყოლებული ყოველწლიურად გასცემს პრიზს პროფესიული სტანდარტების დაცვით მომუშავე ჟურნალისტების წასახალისებლად. 2014 წლიდან ქარტია მასალებს პროფესიული სტანდარტებისა და სხვა დაკავშირებული საკითხების შესახებ აქვეყნებს ქარტიის მედია პლატფორმა “მედიაჩეკერზეც”. 

მოკლედ კონტექსტის შესახებ  

„ქართული ოცნების“ მკვეთრად უარყოფითი დამოკიდებულება კრიტიკული მედიების მიმართ და მათი დისკრედიტაციის ორგანიზებული მცდელობები 2024 წლის ბოლოს და 2025 წლის დასაწყისში ჟურნალისტების მასობრივი დევნასა და მათზე ფიზიკური თავდასხმებში გამოიხატა. ბოლო სამი თვის განმავლობაში ძალოვნებმა და მათთან დაახლოებულმა ძალადობრივმა ჯგუფებმა  პროფესიულ საქმიანობაში ხელი შეუშალეს 100-ზე მეტ ჟურნალისტს, რომელთაგანაც ბევრს მიაყენეს ფიზიკური დაზიანება, მათ შორის, სერიოზული, და გაუნადგურეს და გასტაცეს ტექნიკა. საუკეთესო ონლაინ გამოცემების დამფუძნებელი და დირექტორი, მზია ამაღლობელი, 12 იანვრიდან უკანონო პატიმრობაში იმყოფება და 39- დღიანი შიმშილობის შემდეგაც კი რეჟიმის ტყვედ რჩება. ჟურნალისტებს, რომლებიც პროევროპულ პროტესტს აშუქებენ, ყოველგვარი საფუძვლის გარეშე აკისრებენ 5 000 ლარიან ჯარიმებს „გზის ხელოვნურად გადაკეტვის“ საბაბით. გამოძიებამ დღემდე ვერ გამოავლინა ვერცერთი დამნაშავე. ჟურნალისტები ვერც სასამართლოში ახერხებენ თავიანთი სიმართლის დამტკიცებას, სადაც ცრუმოწმეებად თავად პოლიციელები გვევლინებიან. საჯარო უწყებები პრაქტიკულად არ გასცემენ საჯარო ინფორმაციას. ინსტიტუციაში, რომელიც წესით ყველაზე გამჭვირვალე და ღია უნდა იყოს, საქართველოს პარლამენტში, ჟურნალისტების ერთ ნაწილს შიდა რეგულაციებით საერთოდ უკრძალავენ შესვლას, ხოლო სხვებს - კითხვის დასმას პარლამენტის წევრებისა და სტუმრებისთვის მათი ნებართვის გარეშე. „ქართული ოცნება“ 2023 წლიდან ცდილობს ფინანსური საფუძვლის გამოცლას და განვითარების შესაძლებლობების შეზღუდვას დამოუკიდებელი მედიისთვის, რომელიც დასავლური ფონდების მხარდაჭერით სარგებლობს ხარისხიანი მედიაპროდუქტის შესაქმნელად. მაუწყებლობის შესახებ კანონში შესატანი ცვლილებების პარალელურად „ქართულმა ოცნებამ“ დაიწყო მუშაობა აგენტების შესახებ კანონის ახალ ვარიანტზე, რომლის გამოყენებაც მას სურს, კანონის ორიგინალის კონცეფციის საწინააღმდეგოდ, დამოუკიდებელი და კრიტიკული მედიისა და საზოგადოებრივი ორგანიზაციების წინააღმდეგ. 

27 თებერვალს ახალციხის მერმა ირაკლი ლაზარაშვილმა TOK TV-ს ჟურნალისტებს მიშო დარბაიძესა და ინგა ირიციანს „მხარე“ უწოდა და მიშო დარბაიძის მიერ დასმული კითხვები გამარტივებული შესყიდვების და ამ მიმართულებით კორუფციული რისკების შესახებ „მავნებლურად“ და „ჭორაობად“ შეაფასა. მერმა „მხარედ“  მოიხსენია „სამხრეთის კარიბჭის“ ჟურნალისტი ნუკა სტეფნაძეც, რომელიც კოლეგებს გამოექომაგა და ირაკლი ლაზარიშვილს კორექტულობისკენ მოუწოდა.  

ირაკლი ლაზარაშვილს ქარტია შეახსენებს, რომ მუნიციპალიტეტის მერს თანამდებობა ავალდებულებს, ინტენსიური კომუნიკაცია ჰქონდეს ადგილობრივ მედიასთან და უპასუხოს მათ საზოგადოებრივი ინტერესით ნაკარნახებ კითხვებს.  

ახალციხის მერის რიტორიკა ჟურნალისტების მიმართ იმ უარყოფითი დამოკიდებულების მანიფესტაციაა, რომლის კულტივირებასაც „ქართული ოცნების“ ლიდერები უკვე წლებია, ეწევიან. კრიტიკული მედიის მონიშვნა „პრობლემად“ მწვანე შუქს უნთებს საჯარო სამსახურის მოხელეებს ჟურნალისტებთან ურთიერთობაში გამოიჩინონ უპატივცემულობა და ეუხეშონ მათ. 

„ქართული ოცნების“ მხრიდან ჟურნალისტების დამცირებისა და მათი როლის დაკნინების მცდელობები ძალადობას ახალისებს და ჟურნალისტების სამუშაო გარემოს საფრთხის შემცველად აქცევს.  

27 თებერვალს, უცნობი პირი შეეცადა, მუშაობაში ხელი შეეშალა „აჭარა თაიმსის“ რედაქტორის სულხან მესხიძისთვის, რომელიც პირდაპირ ეთერში გადასცემდა ინფორმაციას ბათუმში, დასახლება „ოცნების ქალაქში“, კორპუსის სახურავის ჩამონგრევის შესახებ. ეს არ იყო პირველი შემთხვევა, როცა სულხან მესხიძის მიმართ აგრესია გამოიჩინეს „ოცნების ქალაქში“ მცხოვრებმა „ქართული ოცნების“ მხარდამჭერებმა. 

ჟურნალისტური ეთიკის ქარტიისთვის ცნობილი გახდა 13 შემთხვევის შესახებ, როდესაც პოლიცია ჟურნალისტებს, რომლებიც იმ  დროს პროფესიულ მოვალეობას ასრულებდნენ, “გზის ხელოვნურად გადაკეტვას” ედავება (ადმინისტრაციულ სამართალდარღვევათა კოდექსის 174-ე პრიმა მუხლი, შეკრების ან მანიფესტაციის ორგანიზებისა და ჩატარების წესის დარღვევა). ამგვარი ქმედებისთვის თებერვალში შეცვლილი კანონმდებლობით გათვალისწინებულია ჯარიმა 5 000 ლარის ოდენობით. ეს შემთხვევები უმეტესად თბილისში მოხდა, თუმცა არის ერთი შემთხვევა რეგიონშიც, კერძოდ, ზუგდიდში. 

პოლიცია გზის გადაკეტვას ედავება:  

●      „სტუდია მონიტორის“ ჟურნალისტს ნინო შუბითიძეს, 17 თებერვალს;

●      „სტუდია მონიტორის“ ჟურნალისტს ნინო წვერავას, 17 თებერვალს;

●      „ტვ პირველის“ ფოტოგრაფს და ოპერატორს გიორგი მოსიაშვილს (შეატყობინეს 21 თებერვალს);

●      „პუბლიკას“ ჟურნალისტს ბასტი მგალობლიშვილს, 14 თებერვალს;

●      „ტაბულას“ ჟურნალისტს ბექა ჯიქურაშვილს, 14 თებერვალს;

●      „ტაბულას“ ჟურნალისტს ნიკოლოზ ჭირაქაძეს, 17 იანვარს;

●      „მთავარი არხის“ ჟურნალისტს ნათია გოგსაძეს, 2 თებერვალს;

●      „მთავარი არხის“ ჟურნალისტს ალექსანდრე საჯაიას, 4 იანვარს;

●      „მედია აპრილის“ ფოტორეპორტიორს ვახო ქარელს, 26 იანვარს;

●      „რადიო თავისუფლების“ ჟურნალისტს ეკა ქევანიშვილს, 22 იანვარს;

●      “ევრონიუსის” ჟურნალისტს დავით კეკენაძეს, 3 იანვარს; 

●      „რადიო თავისუფლების“ ჟურნალისტს სალომე ჩადუნელს, 10 ნოემბერს;

●      ტელეკომპანია „მეცხრე ტალღის“ ხელმძღვანელს გერმანე სალიას, 13 დეკემბერს.

სია განახლებადია. ქარტია ახალი ინფორმაციის მიღების კვალდაკვალ შეავსებს მას.

გარდა ზემოთ ჩამოთვლილი 13 ჟურნალისტისა, პოლიცია გზის გადაკეტვას ედავება:  

მე-14 შემთხვევა: „რადიო თავისუფლების“ ჟურნალისტს გიორგი დიასამიძეს, 17 თებერვალს.
მე-15 შემთხვევა: “რადიო თავისუფლების” ჟურნალისტს გელა ბოჩიკაშვილს, 21 თებერვალს.
მე-16 შემთხვევა: დამოუკიდებელ ფოტოგრაფს პაატა ვარდანაშვილს, 31 იანვარს.

ყველა ჟურნალისტმა შეატყობინა შინაგან საქმეთა სამინისტროს, რომ სადავო დროის მონაკვეთში ისინი პროფესიულ მოვალეობას ასრულებდნენ, რისი დამადასტურებელი მტკიცებულებებიც აქვთ. მათ პრესის მაიდენტიფიცირებელი ბარათები ეკეთათ და ნაწილი დიდი ზომის პროფესიული აპარატურის გამოყენებით მუშაობდა. პოლიციას მათი ჟურნალისტად იდენტიფიცირება თავიდანვე არ უნდა გასჭირვებოდა.  

ჯარიმის შესახებ ინფორმაციის მიღების ყველა შემთხვევაში პროცესი განსხვავებულად წარიმართა. ზოგიერთ ჟურნალისტს პოლიციამ შესაბამისი ცნობის წარდგენა მოსთხოვა, ზოგიერთს პოლიციასთან მხოლოდ ცალმხრივი კომუნიკაცია გამოუვიდა, უკუკავშირის გარეშე, ნაწილს სასამართლო პროცესი ჩაუნიშნეს, ხოლო ზოგიერთის სასამართლო პროცესი გაიმართა კიდეც.  ზოგიერთი აპირებს, რომ საჯარიმო ოქმი ჩაიბაროს და შემდგომ გაასაჩივროს. 

თუმცა, რაც ამ შემთხვევებს აერთიანებს, არის ის, რომ საბოლოო შედეგი შემთხვევათა უმეტესობაში არ არის დამდგარი, ეს კი ჟურნალისტებს მოლოდინის რეჟიმში ტოვებს და გაურკვევლობაში ამყოფებს. 

კანონის რეპრესიული ნორმების დაუსაბუთებლად გამოყენება ჟურნალისტებს საქმიანობაში ხელს უშლის. პოლიციის ქმედებები მათ და, ზოგ შემთხვევაში, მათი ოჯახის წევრებს, უქმნის ფსიქოლოგიურ წნეხს, აკარგვინებს მათ დროსა და სხვა სახის რესურსს.  

გზის გადაკეტვის გამო დასაჯარიმებელ ჟურნალისტთა რაოდენობა ყოველდღიურად იზრდება, რაც ტენდენციაზე მიუთითებს. ეს ყოველივე ან მიზანმიმართული პოლიტიკის შედეგია, რომლის ამოცანა ჟურნალისტთა სამუშაო გარემოს კიდევ უფრო დამძიმება და მათი სამოქმედო არეალის კიდევ უფრო შეზღუდვაა, ან, უკეთეს შემთხვევაში, სერიოზულ სისტემურ პრობლემას წარმოადგენს, რომელზეც შსს-ს და სასამართლო სისტემას სასწრაფოდ უნდა ჰქონდეს რეაგირება.  

ჟურნალისტური ეთიკის ქარტია შსს-ს მოუწოდებს, დაუყოვნებლივ შეწყვიტოს ჟურნალისტების მიმართ გზის ხელოვნურად გადაკეტვასთან დაკავშირებით მიმდინარე ყველა ადმინისტრაციული სამართალწარმოება და მსგავსი საქმეები მომავალშიც არ აღძრას.  

საქართველოს ჟურნალისტური ეთიკის ქარტია ღრმა მწუხარებას გამოთქვამს ბათუმში 15 თებერვალს დატრიალებული ტრაგედიის გამო და დაღუპული ბავშვების ოჯახებს თანაუგრძნობს. 

გუშინ, ბათუმში, ე.წ. „ოცნების ქალაქის“ ტერიტორიაზე, იმ ადგილთან ახლოს, სადაც უნდა აშენდეს კორპუსი აქ მცხოვრები სოციალურად დაუცველი ოჯახების დასაბინავებლად, ორი მცირეწლოვანი ბავშვი წყლით სავსე თხრილში ჩავარდა და დაიხრჩო. მშენებლობა საზეიმოდ გახსნა ირაკლი კობახიძემ 8 თებერვალს. მიუხედავად იმისა, რომ ტერიტორიაზე შეყვანილი იყო ტექნიკა და მოსამზადებელი სამუშაოები მიმდინარეობდა, საფრთხის შემცველი ადგილები სათანადოდ შემოსაზღვრული არ იყო. 

შემთხვევის გასაშუქებლად ადგილზე მივიდნენ „აჭარა თაიმსის“ ჟურნალისტი სულხან მესხიძე, „ბათუმელების“ ჟურნალისტი ჯაბა ანანიძე, „ტვ პირველის“ ჟურნალისტი ნატო გოგელია და საზოგადოებრივი მაუწყებლის აჭარის ტელევიზიის გადამღები ჯგუფი. მოგვიანებით მივიდა ასევე საზოგადოებრივი მაუწყებლის პირველი არხის აჭარის კორესპონდენტი მერაბ წულიკიძე ოპერატორთან ერთად. ჟურნალისტები ინფორმაციას აგროვებდნენ ადგილზე შეკრებილი მოქალაქეებისგან. მათ კითხვებით მიმართეს ადგილზე მყოფ ხელისუფლების წარმომადგენლებს, მათ შორის აჭარის ფინანსთა და ეკონომიკის მინისტრს. ამ დროს ჟურნალისტებს თავს დაესხნენ  აგრესიულად განწყობილი მოქალაქეები. ისინი ითხოვდნენ, ჟურნალისტებს არ დაესვათ კითხვები ხელისუფლების წარმომადგენლებისთვის და სასწრაფოდ გაცლოდნენ ტერიტორიას. ეს აგრესიული მოქალაქეები სხვებსაც არ აძლევდნენ ჟურნალისტებთან დალაპარაკების საშუალებას, ჟურნალისტებს კი ემუქრებოდნენ და სიტყვიერ და ფიზიკურ შეურაცხყოფას აყენებდნენ. სცადეს მათი ტექნიკის დაზიანებაც. 

„აჭარა თაიმსის“ ჟურნალისტი, სულხან მესხიძე, 16 თებერვალსაც გახდა აგრესიული კაცის სამიზნე, რომელმაც თავი ადგილობრივ მცხოვრებად წარადგინა. ჟურნალისტი ამ დროს დღის შუქზე იღებდა შემთხვევის ადგილს და ადგილზე არსებულ ანტისანიტარიასა და სიცოცხლისთვის საშიშ პირობებს პირდაპირ ეთერში აჩვენებდა. აგრესიულმა კაცმა მისკენ გაიწია და დარტყმით მიკროფონი გააგდებინა. ადგილზე მყოფმა ადგილობრივი ხელისუფლების წარმომადგენლებმა, რომლებიც შეესწრენენ მოქალაქის ძალადობას ჟურნალისტზე, ინციდენტი რეაგირების გარეშე დატოვეს. 

ქარტია მომხდარს უკიდურესად შემაშფოთებლად მიიჩნევს. „ქართული ოცნების“ მხრიდან ჟურნალისტების მიმართ წახალისებული აგრესია და ძალადობა სხვადასხვა დროს და ადგილას სხვადასხვა ფორმით ვლინდება. ჟურნალისტები მუშაობისას არ გრძნობენ თავს უსაფრთხოდ და დაცულად. 

15 და 16 თებერვალს „ოცნების ქალაქში“ შემთხვევის ადგილას მისული ჟურნალისტები პროფესიულ მოვალეობას ასრულებდნენ - ისინი ცდილობდნენ დროულად მიეწოდებინათ საზოგადოებისთვის ზუსტი და მიუკერძოებელი ინფორმაცია იმ გარემოებების შესახებ, რასაც ორი მცირეწლოვანი ბავშვის სიცოცხლე შეეწირა. 

მსგავს შემთხვევებში კვალიფიციური მედიაგაშუქება ხელს უწყობს გამოძიების სწრაფად და ეფექტურად განხორციელებას, ტრაგედიაზე პასუხისმგებელი პირების გამოვლენას და ტრაგედიების პრევენციას. 

„ქართული ოცნება“ იმის ნაცვლად რომ მოსახლეობას მედიაგაშუქების მნიშვნელობას განუმარტავდეს და ჟურნალისტებს პირობებს უქმნიდეს თავიანთი მოვალეობების ეფექტურად განსახორციელებლად, უკვე წლებია, ჟურნალისტების დისკრედიტაციით და მათგან მტრის ხატის შექმნითაა დაკავებული. ძალოვანი სტრუქტურები და მათგან ხელშეწყობილი მოძალადეობრივი ჯგუფები თავს ესხმიან ჟურნალისტებს და მათ სიცოცხლესა და ჯანმრთელობას უქმნიან საფრთხეს.
მხოლოდ ბოლო სამი თვის განმავლობაში ჟურნალისტურმა ეთიკის ქარტიამ ჟურნალისტებისათვის ხელის შეშლის 120-მდე შემთხვევა აღრიცხა.  

ჟურნალისტური ეთიკის ქარტია აჭარის ადგილობრივი ხელისუფლების ორგანოებისა და შსს-სგან მოითხოვს, მეტი პასუხისმგებლობა გამოიჩინონ თავიანთი პროფესიული და თანამდებობრივი მოვალეობების მიმართ და ჟურნალისტებისთვის უსაფრთხო სამუშაო პირობები უზრუნველყონ როგორც ეს კანონით ევალებათ.  ჟურნალისტური ეთიკის ქარტია სპეციალურ საგამოძიებო სამსახურს მოუწოდებს, ჟურნალისტებზე თავდასხმის შემთხვევებით დაინტერესდეს.

12 თებერვალს, „ბათუმელების“ ჟურნალისტი ჯაბა ანანიძე ბათუმის მერიის დაცვის პოლიციამ მერიის შენობაში იმ კომისიის საჯარო სხდომაზე დასასწრებად არ შეუშვა, რომელიც უსახლკაროების საკითხს განიხილავდა. შეხვედრას ბათუმის მერი, ბათუმის საკრებულოს თავმჯდომარე და აჭარის უმაღლესი საბჭოს დეპუტატები ესწრებოდნენ. ჟურნალისტი დიდხანს ელოდა ნებართვას მერიის პრეს-ცენტრისგან. დაცვის პოლიციელებმა უარის მიზეზი ვერ განმარტეს. 

საგულისხმოა, რომ შეხვედრას ესწრებოდა და აშუქებდა საზოგადოებრივი მაუწყებლის აჭარის ტელევიზია. 

მიუხედავად იმისა, რომ მსგავსი მოპყრობა მედიის მიმართ ბევრ რეგიონში არცთუ იშვიათია - ადგილობრივი მმართველობის ორგანოები ჟურნალისტებს უკანონოდ უზღუდავენ წვდომას ღია სხდომებზე, „ბათუმელების“ პრაქტიკაში ის პირველი იყო. 

ქარტიას აქვს დასაბუთებული ეჭვი, რომ „ბათუმელების“ მიმართ დისკრიმინაციული მიდგომა და მათი კანონიერი უფლებების შეზღუდვა პირდაპირ არის დაკავშირებული მზია ამაღლობელის უკანონო დაკავებასა და პატიმრობასთან და მიზნად „ბათუმელების“ შევიწროებას ისახავს. იმით, რომ საჯარო შენობაში კომისიის ღია სხდომაზე ჟურნალისტი არ შეუშვეს, დაცვის პოლიციელებმა და ბათუმის მერიამ დაარღვიეს ბათუმის მუნიციპალიტეტის საკრებულოს რეგლამენტი, რომელიც მათ საჯარო შენობებში ჟურნალისტებისთვის სამუშაო პირობების შექმნას ავალდებულებს.

ქალაქ  ბათუმის მუნიციპალიტეტის საკრებულოს 2014 წლის 23 სექტემბრის  დადგენილებაში (№34) ქალაქ ბათუმის მუნიციპალიტეტის საკრებულოს რეგლამენტის დამტკიცების შესახებ, 99-ე მუხლში, რომელიც აღწერს საკრებულოს, საკრებულოს კომისიის, საკრებულოს დროებითი სამუშაო ჯგუფის სხდომებში მოქალაქეთა მონაწილეობის წესს, ვკითხულობთ:

1. ნებისმიერ პირს უფლება აქვთ წინასწარი ნებართვის გარეშე დაესწროს საკრებულოს, საკრებულოს კომისიის, საკრებულოს დროებითი სამუშაო ჯგუფის ღია სხდომებს. 2. საკრებულოს, საკრებულოს კომისიის, საკრებულოს დროებითი სამუშაო ჯგუფის სხდომის დარბაზში (კაბინეტში) უნდა იყოს გამოყოფილი ადგილები სხდომაზე დასწრების მსურველ მოქალაქეებისათვის. 

ჟურნალისტური ეთიკის ქარტია ბათუმის მერიას მოუწოდებს, დაიცვას რეგლამენტის მოთხოვნა და მისცეს „ბათუმელების“ ჟურნალისტებს თავიანთი პროფესიული მოვალეობის განხორციელების უფლება, რის ნაწილიცაა ადგილობრივი მმართველობის ორგანოებში მიმდინარე სამუშაო პროცესების გაშუქება კორუფციის რისკების გამოსავლენად.  

ქარტია შეშფოთებას გამოთქვამს „მთის ამბების“ კუთვნილი ავტომობილის დაზიანების გამო. გამოცემის რედაქტორმა გელა მთივლიშვილმა ამ შემთხვევის შესახებ ინფორმაცია სოციალურ ქსელში გაავრცელა.  მან თავდამსხმელი ვიდეოსამეთვალყურეო სისტემის ჩანაწერიდან ამოიცნო. ჟურნალისტი, რომელმაც უკვე მიმართა  112-ს, ინციდენტს მის პროფესიულ საქმიანობას უკავშირებს. 

ჟურნალისტური ეთიკის ქარტია საგამოძიებო ორგანოებს მოუწოდებს, ამ შემთხვევით დაინტერესდნენ და სწრაფად გამოიძიონ. 

ჟურნალისტური ეთიკის ქარტია გმობს პოლიციელთა ძალადობას ჟურნალისტებზე და საგამოძიებო უწყებებს რეაგირებისკენ მოუწოდებს

4 თებერვალს ჟურნალისტები და მოქალაქეები პარლამენტის უკანა მხარეს შეიკრიბნენ, რათა კიდევ ერთხელ მოეთხოვათ „ბათუმელებისა“ და  „ნეტგაზეთის“ გამომცემლის, მზია ამაღლობელის, რომელიც დღემდე უკანონო პატიმრობაში იმყოფება და უკვე 24 დღეა შიმშილობს,  გათავისუფლება. 

პოლიცია თავს დაესხა ჟურნალისტებს, რომლებიც ამ მშვიდობიან აქციის მონაწილეთა გადაადგილებას აშუქებდნენ,  მათი ერთი ნაწილი პირდაპირ ეთერში. აქციის მონაწილეები 9 აპრილის ქუჩით ეშვებოდნენ რუსთაველის გამზირის მიმართულებით. პოლიციის მითითებით ისინი ტროტუარზე გადავიდნენ. ცოტა ხანში ადგილზე მოულოდნელად გააქტიურებული გდდ-ს თანამშრომლები ჟურნალისტებსა და აქციის მონაწილეებს ორი მხრიდან მიაწვნენ და ისინი ძალის გამოყენებით ჩასწიეს რუსთაველის გამზირისკენ.  ატყდა ჩოჩქოლი და შეიქმნა ჭყლეტის საშიშროება. 

პოლიციელები ჟურნალისტებს უხეშად ეპყრობოდნენ, ხელს ჰკრავდნენ და მუშაობაში ხელს უშლიდნენ. 

პოლიციელებმა „პუბლიკას“ ფოტოგრაფს, ნათია ლევერაშვილს თმაზე მოქაჩეს და ხელი დაარტყეს. 

„ტვ პირველის“ გადაღებულ კადრებში ჩანს, თუ როგორ არტყამს თავისა და კისრის არეში ნიღბიანი პოლიციელი NEWS.On.ge-ს მთავარ რედაქტორს, ვანცენტ ხაბეიშვილს, რომელიც ამ დროს აქციას ლაივ რეჟიმში აშუქებს. დარტყმის შედეგად ხაბეიშვილი ძირს ეცემა. ჟურნალისტი  ამჟამად გადაუდებელ გამოკვლევებზე კლინიკაში იმყოფება.

OC Media-ს ჟურნალისტი გივი ავალიანი აქციის ერთ-ერთი მონაწილის დაკავების პროცესს იღებდა, რა დროსაც ნიღბიანმა პოლიციელებმა მისთვის ტელეფონის წართმევა სცადეს.  

ჟურნალისტური ეთიკის ქარტია ძალოვან უწყებებს მოუწოდებს, პატივი სცენ საქართველოს კონსტიტუციით დაცულ უფლებებს, შეწყვიტონ თავდასხმები მედიის წარმომადგენლებზე და მისცენ მათ პროფესიული მოვალეობის უსაფრთხოდ შესრულების საშუალება. ჟურნალისტური ეთიკის ქარტია საგამოძიებო უწყებებს მოუწოდებს, დაუყოვნებლივ გამოიძიონ ჟურნალისტების მიმართ ჩადენილი დანაშაულები და გამოავლინონ და დასაჯონ დამნაშავეები.  

შსს-ს სხვადასხვა დანაყოფის წარმომადგენლები, რომელთა იდენტიფიცირება მეტწილად შეუძლებელი იყო იმის გამო, რომ სახე ნიღბით ჰქონდათ დაფარული და ამოსაცნობ ნიშნებს არ ატარებდნენ, „თბილისი მოლთან“ მიმდინარე აქციაზე ჟურნალისტებს ხაზგასმულად უპატივცემულოდ და უხეშად ეპყრობოდნენ, აყენებდნენ სიტყვიერ შეურაცხყოფას, ტერიტორიიდან ძალის გამოყენებით აძევებდნენ და გადაღებაში ხელს უშლიდნენ. პოლიციელები განსაკუთრებულ აგრესიას იჩენდნენ მაშინ, როცა ჟურნალისტები მათ მიერ მშვიდობიანი აქციის მონაწილეებზე ძალადობის ფაქტების გადაღებას ცდილობდნენ.  

ვიდეოში, რომელიც „რადიო თავისუფლებამ“ გამოაქვეყნა, ისმის, თუ როგორ ემუქრება პოლიციელი ამ მედიასაშუალების ჟურნალისტს გელა ბოჩიკაშვილს: „გაწიე ეგ კამერა, თორემ გაგიმტვრევ თავ-პირს“. პოლიციელი უკან არ იხევს მაშინაც კი, როცა ჟურნალისტი მას უხსნის, რომ ის პროფესიულ მოვალეობას ასრულებს: „ვინც არ უნდა იყო, გაწიე კამერა“. 

პოლიციელებმა მუშაობაში ხელი შეუშალეს „მედია აპრილის“ ჟურნალისტებს ვახო ქარელსა და ნატა ურიდიას. ვიდეოში ჩანს, რომ პოლიციელები ცდილობენ, მათ ტერიტორია ძალის გამოყენებით დაატოვებინონ.

პოლიციელებმა პროფესიული მოვალეობის შესრულებაში ხელი შეუშალეს „მთავარი არხის“ ჟურნალისტს დეა მამისეიშვილს. მას პოლიციელებმა ხელი ჰკრეს, ურტყამდნენ ხელებს და ფეხებს. მიაყენეს სიტყვიერი შეურაცხყოფაც. ამის ამსახველი ვიდეო სოციალურ ქსელში ჟურნალისტმა თავად გამოაქვეყნა. 

„რადიო მარნეულის“ ჟურნალისტი ვლადიმერ ჩხიტუნიძე ნიკა მელიას დაკავებას იღებდა, რა დროსაც ის გდდ-ს თანამშრომლებმა გააჩერეს და ტროტუარზე ძალის გამოყენებით გადაიყვანეს. 

„ტვ პირველის“ მიერ გამოქვეყნებულ ვიდეოში ჩანს, რომ პოლიციელები ფიზიკური ძალის გამოყენებით აგდებენ ტერიტორიიდან ტელეკომპანიის ჟურნალისტს დიანა ჩირგაძეს. ჟურნალისტის თქმით, პოლიციელებმა მანამდე სიტყვიერი შეურაცხყოფა მიაყენეს მას და ოპერატორს. მეტიც, ისინი შეეცადნენ, ფიზიკურად გასწორებოდნენ ოპერატორს და სამაუწყებლო აპარატურა დაეზიანებინათ. 

ჰოსპიტალიზაცია დასჭირდა „ტვ პირველის“ ოპერატორს ნიკო კოკაიას. ის კლინიკა „ვივამედში“ გადაიყვანეს და კვლევები ჩაუტარეს, რამაც აჩვენა ტვინის შერყევა. „ნეტგაზეთის“ გამოქვეყნებულ ვიდეოში ჩანს, რომ ოპერატორი ძლიერ ტკივილს განიცდის. მან დაზიანება ჭყლეტისას მიიღო, როცა პოლიცია აქციის მონაწილეებს აკავებდა. ნიკო კოკაია რამდენიმე წუთის განმავლობაში უგონოდ იყო. 

„ტვ პირველის“ ჟურნალისტს ხატია სამხარაძეს ნიღბიანმა პოლიციელმა, „ტვ პირველის“ ინფორმაციით, მირზა კეზევაძემ წაართვა პირადი ტელეფონი, რომლითაც ის „აგროჰაბის“ მიმდებარე ტერიტორიაზე ზვიად ხარაზიშვილის მანქანას იღებდა. პოლიციელმა ტელეფონი ძირს დააგდო და ფეხი დაარტყა. იმავდროულად პოლიციელებმა მუშაობაში ხელი შეუშალეს ტელეკომპანია „ფორმულას“ გადამღებ ჯგუფსაც. ხატია სამხარაძის თქმით, მათ ჟურნალისტ გიორგი კვიჟინაძისთვის მიკროფონის წართმევა სცადეს.

პროფესიული მოვალეობის შესრულებაში ხელი შეუშალეს „მედიაჩეკერის“ ჟურნალისტს ნინია კაკაბაძესაც იმ მანქანის გადაღებისას, რომლითაც ზვიად ხარაზიშვილი გადაადგილდებოდა. მას პოლიციელებმა ხელი ჰკრეს. 

პროფესიული მოვალეობის შესრულებაში ხელი შეუშალეს “გურია ნიუსის” ჟურნალისტსაც. ვიდეოში ჩანს, თუ როგორ ურტყამს ხელს “გურია ნიუსის” კამერას ნიღბიანი პირი, რომელსაც პოლიციის ფორმა არ ეცვა. 

ჟურნალისტური ეთიკის ქარტია გმობს ძალოვნების მხრიდან ჟურნალისტთა მიმართ არასათანადო მოპყრობისა და ძალის გადამეტების ფაქტებს და საერთაშორისო უფლებადამცველ ორგანიზაციებს მოუწოდებს, შესაბამისი შეფასება მისცენ კონსტიტუციისა და კანონის ჩარჩოებიდან გასული ძალოვნების საფრთხის შემცველ ქმედებებსა და სისტემურ ძალადობას მედიის წარნმომადგენლებზე. 

„ქართული ოცნება“ აგრძელებს დამოუკიდებელი ონლაინ გამოცემების დევნას, ხოლო მასთან დაკავშირებული ძალაუფლების მქონე პირები - დამოუკიდებელი ონლაინ გამოცემების მიმართ სიძულვილის გაღვივებას.   

„ქართული ოცნების“ რეპრესიული პოლიტიკა დამოუკიდებელი მედიის მიმართ 1 თებერვალს ახალ საფეხურზე გადავიდა, როდესაც შალვა პაპუაშვილმა მედიის მიერ საკუთარი პროფესიული მოვალეობის შესრულება მანიპულაციურად დააკავშირა 31 იანვარს სახელდახელოდ მიღებულ, შეკრების უფლების შემზღუდავ შესწორებასთან მთავრობის #361 დადგენილებაში და სისხლის სამართლებრივ პასუხისმგემლობაზე ალაპარაკდა. 

ონლაინ გამოცემა „პუბლიკამ“ 1 თებერვალს  გაავრცელა ინფორმაცია სინდისის პატიმრების გათავისუფლებისა და ახალი საპარლამენტო არჩევნების დანიშვნის მოთხოვნით 2 თებერვალს „თბილისი მოლთან“ დაგეგმილი აქციის შესახებ. 

შალვა პაპუაშვილი ამ ინფორმაციას 1 თებერვალსვე გამოეხმაურა პოსტით ფეისბუქის პირად გვერდზე, რომელშიც „პუბლიკა“ სისხლის სამართლის დანაშაულის ჩადენის რეკლამირებაში დაადანაშაულა. 

ჟურნალისტური ეთიკის ქარტია შალვა პაპუაშვილს შეახსენებს, რომ სიტყვისა და გამოხატვის თავისუფლება დემოკრატიის ქვაკუთხედია და რომ მედიის პროფესიული მოვალეობაა, მიუკერძოებლად გააშუქოს ქვეყანაში მიმდინარე ყველა მოვლენა. „თბილისი მოლთან“ დაგეგმილი აქცია სწორედ ამგვარ მოვლენათა რიგს  მიეკუთვნება. 

მედიის პასუხისმგებლობის დაყენება მოვლენის გაშუქების გამო მედიის სარედაქციო დამოუკიდებლობაში ჩარევის უხეშ მცდელობას წარმოადგენს. შალვა პაპუაშვილმა თავისი პოსტით მიზანმიმართულად გააღვივა სიძულვილი დამოუკიდებელი ონლაინ მედიის მიმართ. ამას ადასტურებს კომენტარები მისი პოსტის ქვეშ და ისიც, რომ თავად მედიასაშუალებამ შალვა პაპუაშვილის პოსტი თავდასხმად და მუქარად აღიქვა.

ჟურნალისტური ეთიკის ქარტია შალვა პაპუაშვილს მოუწოდებს, პატივი სცეს პრესის თავისუფლებას, რომელიც დაცულია საქართველოს კონსტიტუციითა და საქართველოში მოქმედი კანონმდებლობით და საერთაშორისო კონვენციებით, რომელთა ხელმომწერიც არის საქართველო, და ხელი აიღოს დამოუკიდებელი მედიის დევნასა და შევიწროებაზე. 

Mzia Amaglobeli, the founder and manager of online publications "Batumelebi" and "Netgazeti," is the first female journalist prisoner of conscience in Georgia.

Mzia Amaghlobeli is being punished by the regime of oligarch Bidzina Ivanishvili, who earned his billions in Russia, for her impartial journalism and exemplary civil activism. She did not commit the criminal offense she was charged with by Ivanishvili’s regime.

Since January 12, when the oligarch detained our colleague Mzia Amaghlobeli, every one of us faces the threat of arrest for our professional activities.

Under the rule of the Georgian Dream government, the media environment in Georgia has sharply deteriorated in recent years. In addition to the threat to independent media organizations created by the "Russian style law on the transparency of foreign influence," adopted in the summer of 2024, verbal abuse and physical violence against journalists by representatives of the authorities have become alarmingly frequent. Additionally, Russian-style repressions against journalists have started.

During the coverage of pro-European protests in November and December 2024, more than 90 instances of violence against journalists by the regime’s special forces and police were recorded. None of these incidents have been investigated or prosecuted by the Georgian Dream investigative bodies, leaving the perpetrators unpunished.

In 2024-2025, the oligarch's regime arrested numerous journalists on administrative charges only to release them after imposing fines or brief administrative detentions.

The fact that Mzia Amaghlobeli has been arrested on criminal charges demonstrates that the oligarch’s regime has entered a new phase in its persecution of critical journalists. This involves imprisoning journalists based on fabricated charges, as has occurred in recent years in Russia, Belarus, and neighboring Azerbaijan.

A

We demand the immediate release of the prisoner of conscience, Mzia Amaghlobeli! We call on international organizations protecting journalists' rights and representatives of friendly countries' diplomatic corps to raise their voices against the mass persecution of journalists by Bidzina Ivanishvili's regime and to protect media representatives in Georgia.

The statement had 311 signatories by Jan. 27, 2025

Signatories: 

1. Kamila Mamedova, Radio Marneuli
2. Laura Gogoladze, Chemi Kharagauli
3. Maia Metskhvarishvili, Studio Monitor
4. David Mchedlidze, Rustavi Media Group
5. Khatia Lomidze, Media Checker
6. Boris Sajaia, Media Checker
7. Lia Chakhunashvili, Georgian Charter of Journalistic Ethics
8. Theo Kavtaradze, Studio Monitor
9. Tamara Mshvenieradze, Public Broadcaster, Real Space
10. Bela Zakaidze, Public Broadcaster, Moambe
11. Sopho Aptsiauri, Project 64
12. Tukha Kvinikadze, Public Broadcaster, Real Space
13. Elene Zakashvili, Project 64
14. Nino Lomadze, Indigo
15. Giorgi Gogua, Project 64
16. Omar Tsotsoria, Public Broadcaster, Real Space
17. Nata Dzvelishvili, Indigo
18. Tamar Babuadze, Indigo
19. Eter Turadze, Batumelebi
20. Shevleg Gegchkori, Georgian Radio
21. Mariam Bogveradze, OC Media
22. Nino Khozrevanidze, Formula
23. Natia Shavadze, Journalist
24. Levan Sutidze, Tabula
25. Mamuka Kuparadze, Studio Re
26. Maia Shonia, Studio Re
27. Manana Ghoghoberidze, ai, fact
28. Nanuka Bregadze, ai, fact
29. Ekaterine Kopaliani, Journalist
30. Luka Pertaia, Journalist
31. Nana Biganishvili, Studio Monitor
32. Sopho Afriamashvili, Journalist
33. Nino Dadvani
34. Ketevan Vashagashvili
35. Nene Dalakishvili, Formula
36. Zura Dvali, Studio Re
37. Vancent Khabeishvili, News.on.ge
38. Giorgi Mgeladze, Journalist
39. Eter Midelashvili, Journalist
40. Mariam Kachkachishvili, Journalist
41. Natia Mikhelidze, ai, fact
42. Nina Baidauri, Netgazeti
43. Zurab Vardiashvili, Publika
44. Thea Adeishvili, Mtavari Arkhi
45. Eka Saria, Mtavari Arkhi, Postfactum
46. Eka Kadagishvili, Journalist
47. Tinatin Peikrishvili, Journalist
48. Manana Manjgaladze, BMG
49. Giga Gelkhviidze, CNews.ge
50. Irina Makaridze, CNews.ge
51. Mariam Takidze, April
52. Salome Gorgodze, Publika
53. Lika Zakashvili, Publika, Editor-in-Chief
54. Natia Amiranashvili, Publika, Editor
55. Gela Mtivlishvili, Mtis Ambebi, Editor
56. Mamuka Mgaloblishvili, Publika
57. Mariam Nikuradze, OC Media
58. Mamuka Andghuladze, Media Advocacy Coalition
59. Tamar Gegidze, April
60. Mariam Gabelaia, April
61. Tatia Shurghaia, April
62. Nino Kakhishvili, Netgazeti
63. Natia Tskipurishvili, Netgazeti
64. Tinatin Dvalishvili, Media Manager
65. Gulo Kokhodze, Samkhertis Karibche
66. Zaza Karchiladze, Broadcaster
67. Nana Chkhikvishvili, Guria News
68. Maka Tsnobiladze, Jamnews
69. Lia Shavgulidze, Public Broadcaster
70. Elisabed Zubashvili
71. Sandro Jufalakiani
72. Tinatin Macharashvili, Media Researcher
73. Konstantine Stalinski, Netgazeti
74. Ninia Kakabadze, Media Checker
75. Nino Narimanishvili, Jamnews
76. Natia Inauri, Interpressnews
77. Natasha Khubaev-Shtikova, Jamnews
78. Sopho Bukia, Jamnews
79. Natia Kuprashvili, GRC
80. Dachi Grdzelishvili
81. Tamar Rukhadze, Journalist
82. Tinatin Zazadze, Samkhertis Karibche
83. Nunu [Nuka] Stepnadze, Samkhertis Karibche
84. Alexander Keshelashvili, Publika
85. Giorgi Giorgashvili, Project 64
86. Eliso Jariashvili, Journalist
87. Nino Chichua, Netgazeti
88. Beka Beridze, Project 64
89. Mikheil Gvadzabia, OC Media
90. Giorgi Kvizhinadze, Formula
91. Tamar Robakidze, Journalist
92. Maia Tsiklauri, Jamnews
93. Lamuna Iremashvili, Tok.tv
94. Natalia Vakhtangashvili, Journalist
95. Zviad Koridze, Journalist
96. Nino Shubitidze, Studio Monitor
97. Nino Tsverava, Studio Monitor
98. Nestan Tsetskhladze, Netgazeti
99. Magda Gugulashvili, Journalist
100. Gia Gogatishvili, Journalist
101. Tamta Nachkebia, Publika
102. Tamar Bagashvili, Formula
103. Maka Pankvelashvili, Formula
104. Salome Chaduneli, Radio Liberty
105. Nina Kheladze, GRC/Tok.tv
106. Irma Charakashvili, GRC/GARB
107. Maia Ivelashvili, tv9news.ge
108. Gogi Gvakharia, Radio Liberty
109. Tamar Jincharadze, TV Pirveli
110. Manana Eliashvili, TV Pirveli
111. Guga Archvadze, TV Pirveli
112. Inga Grigolia, TV Pirveli
113. Tatia Tumanishvili, TV Pirveli
114. Alexander Nabakhteveli, TV Pirveli
115. Maka Chikhladze, TV Pirveli
116. Maka Andronikashvili, TV Pirveli
117. Nodar Meladze, TV Pirveli
118. Mariam Gaprindashvili, TV Pirveli
119. Tamta Dolenjashvili, TV Pirveli
120. Nino Arazashvili, TV Pirveli
121. Magda Sabashvili, TV Pirveli
122. Liza Mosidze, TV Pirveli
123. Tamar Kalandadze, TV Pirveli
124. Ana Tsereteli, TV Pirveli
125. Vika Bukia, TV Pirveli
126. Taso Tkeshelashvili, TV Pirveli
127. Nino Gvedashvili, TV Pirveli
128. Lika Jankarashvili, TV Pirveli
129. Ana Mdivani, TV Pirveli
130. Gvantsa Berukashvili, TV Pirveli
131. Ina Tsartsidze, TV Pirveli
132. Zaal Udumashvili, TV Pirveli
133. Eko Maghradze, TV Pirveli
134. Giorgi Darjania, TV Pirveli
135. Gvantsa Chkhikvadze, TV Pirveli
136. Khatia Samkharadze, TV Pirveli
137. Irma Stepnadze-Iashvili, TV Pirveli
138. Saba Tsitsikashvili, Qartli.ge
139. Tamar Nozadze, TV Formula
140. Ekaterine Samkharadze, TV Formula
141. Cesili Bochoidze, TV Formula
142. Ana Makharadze, TV Formula
143. Maia Chapodze, TV Formula
144. Nata Koridze, Civil.ge, Managing Editor
145. Ia Goliadze, Journalist
146. Levan Uridia, Public Broadcaster Adjara Television and Radio News Journalist
147. Nino Tarkhnishvili, Radio Liberty
148. From Rusu Gvaramadze, tv9news.ge
149. Eka Kevanishvili, Radio Liberty
150. Toma Begiashvili, Radio Liberty
151. Teimuraz Inasaridze, Samkhretis kaibche
152. Shorena Glonti, journalist
153. Khatia Mumladze, Mosaic News Agency
154. Gvantsa Doluashvili, Mosaic News Agency
155. Ana Jioshvili, Mosaic News Agency
156. Landa Birtvelishvili, Mosaic News Agency
157. Mariam Pataraia, Kutaisipost
158. Ketevan Gelashvili, Kutaisipost
159. Eka Kukhalashvili, Kutaisipost
160. Tekla Morgoshia, Kutaisipost
161. Giorgi Isakadze, BMG
162. Telara Gelantia, BMG
163. Anna Lapiashvili, BMG
164. Nino Tabatadze, BMG
165. Shota Tkeshelashvili, BMG
166. Giga Benia, BM
167. Elene Kvanchilashvili, BMG
168. Natia Taktakishvili, BMG
169. Tamuna Mukbaniani, BMG
170. Maryam Varadashvili, BMG
171. Nutsa Shubashvili, BMG
172. Salome Khidureli, BMG
173. Tinatin Natmeladze, BMG
174. Maryam Titvinidze, BMG
175. Teona Kharabadze, Public Broadcaster Adjara Television and Radio
176. Maia Mamulashvili, Kakhetis Khma
177. Natalia Tsiskarashvili, Kakhetis Khma
178. Maryam Okrotsvaradze, Kakhetis Khma
179. Maka Khaziuri, Kakhetis Khma
180. Ia Mamaladze, Guria News
181. Giorgi Sikharulidze, Guria News
182. Akaki Sikharulidze, Guria News
183. Nazibrola Rekhviashvili, Factcheck.ge
184. Nino Kapanadze, Chemi Kharagauli
185. Gia Khasia, Atinati
186. Rusudan Kalichava, Atinati
187. Maia Pipia, Atinati
188. Tinatin Bekia, Atinati
189. Vika Ubilava, Atinati
190. Sulkhan Meskhidze, Adjara Times
191. Irina Kurua, Public Broadcaster Adjara Television and Radio
192. Nino Artmeladze, Batumelebi
193. Nana Kvachadze, Batumelebi
194. Manana Kvelishvili, Batumelebi
195. Lela Dumbadze, Batumelebi
196. Tedo Jorbenadze, Batumelebi
197. Shorena Amaglobeli, Batumelebi
198. Roin Gundadze, Batumelebi
199. Irma Dimitradze, Batumelebi
200. Archil Kakhadze, Batumelebi
201. Mariam Mutidze, Batumelebi
202. Tsago Kakhaberidze, Batumelebi
203. Ia Prangishvili, Batumelebi
204. Jaba Ananidze, Batumelebi
205. Guram Murvanidze, Batumelebi
206. Irma Zoidze, Studio REC
207. Maia Merkviladze, Editor of Public Broadcaster Adjara Radio
208. Teona Turmanidze, Public Broadcaster, correspondent of Adjara Television and Radio of the Public Broadcaster
209. Zaira Lomadze, employee of the online service of the Public Broadcaster
210. Tekla Mchedlidze, producer of the radio of the Public Broadcaster
211. Davit Trapaidze, head of the radio broadcasting service of the Public Broadcaster
212. Maia Varshanidze, editor and host of the socio-political program of the Public Broadcaster Adjara Radio
213. Vladimer Menabde, Guriis Moambe
214. Giorgi Diasamidze, Radio Liberty
215. Lasha Zarginava, editor/host of analytical programs of the Public Broadcaster Adjara Television and Radio
216. Nino Gelashvili, Radio Liberty
217. Luba Giorgadze, journalist of Channel 9
218. Lela Kunchulia, Radio Liberty
219. Sopho Zurabiani, TV Formula
220. Guram Rogava, TV Formula
221. Khatuna Saghinadze, TV Formula
222. Giorgi Girkelidze, Guria News
223. Mariam Makasarashvili, TV Pirveli
224. Diana Trapaidze, TV Pirveli
225. Natalia Kajaia, TV Pirveli
226. Tekla Donadze, TV Pirveli
227. Ana Akhalaia, TV Pirveli
228. Rusudan Dumbadze, TV Pirveli
229. Sophio Niauri, TV Pirveli
230. Nanuka Kajaia, TV Pirveli
231. Thea Tsetskhladze, TV Pirveli
232. Kristine Marabian, Jnews
233. Riba Gharibiani, Jnews
234. Shushan Shirinian, Jnews
235. Gevorg Janoian, Jnews
236. Fenia Torosian, Jnews
237. Aghunik Ayvazian, Jnews
238. Ani Minasian, Jnews
239. Ekaterine Shanidze, TV Formula
240. Natalia Barbakadze, News Agency “Spektri”, Editor
241. Nugzar Asatiani, Editor of the newspaper “Alioni”
242. Tinatin Akhvlediani, Mega TV
243. Tamar Kavtaradze, Mega TV
244. Mariam Jachvadze, Chai Khana Media
245. Elene Khachapuridze, Chai Khana Media
246. Sophio Khuntsaria, TV Formula
247. Giorgi Morchiladze, TV Kavkasia
248. Saba Bedineishvili, TV Kavkasia
249. Ana Glunchadze, TV Kavkasia
250. Nino Kodalashvili, TV Kavkasia
251. Nino Jangirashvili, TV Kavkasia
252. Sparkling Shermadini, Studio Monitor
253. Gvantsa Pipia, Accent News
254. Tea Giligashvili, Mtavari Arkhi
255. Gigla Tumanishvili, Mtavari Arkhi
256. Natia Trapaidze, Mtavari Arkhi
257. Zhanna Akopashvili, Mtavari Arkhi
258. Nino Balanchivadze, Mtavari Arkhi
259. Tea Inasaridze, Mtavari Arkhi
260. Davit Kobidze, Mtavari Arkhi
261. Ninutsa Kekelia, Mtavari Arkhi
262. Irakli Bakhtadze, Mtavari Arkhi
263. Dea Mamiseishvili, Mtavari Arkhi
264. Nanuka Maghlakelidze, Mtavari Arkhi
265. Nino Gazdeliani, Mtavari Arkhi
266. Nino Samkurashvili, Mtavari Arkhi
267. Keti Kebadze, Mtavari Arkhi
268. Davit Eradze, Mtavari Arkhi
269. Nina Machabeli, Mtavari Arkhi
270. Nino Zhizhiashvili, Mtavari Arkhi
271. Natia Kokosadze, Mtavari Arkhi
272. Ramaz Khatiashvili, Mtavari Arkhi
273. Maka Jakhua, Director of Radio Green Wave
274. Natia Zoidze, TV Formula
275. Tamuna Chikhladze, TV Formula
276. Teona Bakuridze, TV Formula
277. Eka Pkhakadze, TV Formula
278. Giorgi Dvalishvili, ATSSU
279. Khvicha Vashakmadze, Kutaisipost
280. Irakli Vachiberadze, Mtavari Arkhi
281. Guliza [NATO] Gubeladze, Regional Media House “P.S.” Founder and Editor-in-Chief
282. Nino Ramishvili, Studio Monitor
283. Vladimer Chkhitunidze, Radio Marneuli
284. Tiko Davadze, Radio Marneuli
285. Irakli Mskhiladze, Adjara Television
286. Nino Zuriashvili, Studio Monitor
287. Marika Dudunia, Studio Monitor
288. Zaza Tsuladze, Studio Monitor
289. Gela Bochikashvili, Radio Liberty
290. Tamar Gelashvili, Studio Monitor
291. Lika Antadze, Chai Khana Media
292. Davit Kokoshvili, Netgazeti
293. Keti Tutberidze, Studio Monitor
294. Nino Vashalomidze, TV Guria
295. Irakli Machitadze, Radio “Dzveli Kalaki”
296. Merab Metreveli, Palitra news
297. Khatia Ghoghoberidze, Media April
298. Zura Modebadze, Studio Monitor
299. Tatia Nikoladze, Jamnews
300. Mamuka Kantaria, Guria Today
301. Irakli Absandze, Journalist
302. Gvantsa Nadibaidze, Indigo
303. Saba Sordia, Indigo
304. Germane Salia, 9th Wave, Poti
305. Ia Bobokhidze, Chairwoman of the Regional Media Association
306. Sopho Vardiashvili, TV Formula
307. Nana Intskirveli, TV Formula
308. Manon Bokuchava, Kvemo Kartli Media
309. Tamta Dolidze, TV Guria
310. Giorgi Targamadze, TV Formula
311. Keti Nadibaidze, TV Formula
312. Tiko Nodia, Metronome
313. Eka Mishveladze, TV Pirveli
314. Khatuna Jangirashvili, TV Kavkasia
315. Tamta Kakhaberidze, Netgazeti
316. Nona Mchedlishvili, Radio Liberty
317. Tamta Janadze, News.on.ge
318. Imeda Darsalia, Ra Media Global
319. Tamar Chavchanidze, TV Formula
320. Luka Khachidze, TV Formula
321. Rusudan Tskhomelidze, Journalist