Euronews.ge-ს ქარტიის ხუთი პრინციპის დარღვევას ედავებიან
25.11.2019
საქართველოს ჟურნალისტური ეთიკის ქარტიის სამდივნომ დასაშვებად სცნო მანანა გურგენიძის განცხადება, რომელიც ონლაინგამოცემა euronews.ge-ს ქარტიის პრინციპების დარღვევას ედავება.

განმცხადებელი სადავოდ ხდის მასალას: “საქართველოდან სტამბულში სამკურნალოდ გაგზავნილი ლეიკემიით დაავადებული პაციენტი მოატყუეს”. მანანა გურგენიძის აზრით გამოქვეყნებული ინფორმაცია არასწორია, ის ზიანს აყენებს როგორც ჯანდაცვის სამინისტროს და სოლიდარობის ფონდს, ასევე იმ საავადმყოფოს, სადაც პაციენტი მკურნალობს და მიზნად ისახავს მათი რეპუტაციის შელახვას.

მანანა გურგენიძე მედისაშუალებას პირველი, მესამე, მეოთხე, მეათე და მეთერთმეტე პრინციპების დარღვევას ედავება.

ქარტიის საბჭო საქმეს ღია სხდომაზე განიხილავს.

შემოგვიერთდით Facebook-ზე

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.

ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.