ტრენინგი ჟურნალისტებისთვის - ამბის უწყვეტ რეჟიმში გაშუქების ტექნიკა
03.09.2018

კატეგორია : ტრენინგები;
ჟურნალისტური ეთიკის ქარტია იწვევს ჟურნალისტებს
ტრენინგში მონაწილეობის მისაღებად

ამბის უწყვეტ რეჟიმში გაშუქების ტექნიკა

ორდღიანი ტრენინგი გაიმართება 22-23 სექტემბერს თბილისში, ქარტიის ოფისში (შიო მღვიმელის 6ბ). ტრენინგში მონაწილეობის მიღება შეუძლიათ ჟურნალისტებს როგორც თბილისიდან, ასევე რეგიონებიდან.
მონაწილეებს რეგიონიდან აუნაზღაურდებათ მგზავრობისა და დედაქალაქში დარჩენის ხარჯები.

ტრენინგი, რომლის ორგანიზატორია საქართველოს ჟურნალისტური ეთიკის ქარტია, იმართება საერთაშორისო კვლევისა და გაცვლების საბჭოს (IREX) პროგრამის “მედია გამჭვირვალე და ანგარიშვალდებული მმართველობისთვის” (M-TAG) ფარგლებში.

მონაწილეები მიიღებენ ინფორმაციას თუ როგორ უნდა გაშუქდეს მაღალი საჯარო ინტერესის მქონე მოვლენები, როგორიცაა საგანგებო მდგომარეობა, არჩევნები, მაღალი დონის ვიზიტები, აქციები, ყველაფერი ის, რის შესახებაც მედიას დღის განმავლობაში არაერთი ახალი ამბის გადაცემა უწევს. ტრენინგისას საუბარი იქნება თუ როგორ უნდა იმუშაო ამ დროს ეფექტიანად, როგორ გადაანაწილო ფუნქციები ნიუსრუმში, რა რისკების წინაშე დგება მედია, როცა მომხმარებლის მიერ გადაღებულ, მოწოდებულ ინფორმაციას იყენებს, რა სპეციფიკა აქვს facebook live-ს, რა დროს სჯობს მისი გამოყენება. რა აპლიკაციები, პლაგინები, პლატფორმები შეიძლება გამოიყენო ასეთი ფორმატით გაშუქებისას.

ტრენინგში მონაწილეობის მსურველებმა შეავსეთ აპლიკაცია 2018 წლის 16 სექტემბრის 20:00 საათამდე. დავუკავშირდებით მხოლოდ შერჩეულ მონაწილეებს.

ტრენინგს გაუძღვებიან: 

მაია მეცხვარიშვილი - სტუდია “მონიტორის” რედაქტორი.  მედიის სფეროში მუშაობს 2000 წლიდან. 2010-2017 წლებში იყო ონლაინ გამოცემის – www.netgazeti.ge-ისრედაქტორი. მანამდე მუშაობდა სხვადასხვა მედიასაშუალებაში, მათ შორის, საზოგადოებრივი მაუწყებლის პირველი არხის საინფორმაციო პროგრამა “მოამბეში”, გაზეთ “24 საათში”, “ახალ გაზეთში” და ა.შ. 2009 წლიდან არის საქართველოს ჟურნალისტური ეთიკის ქარტიის დამფუძნებელი და 2-ჯერ იყო ქარტიის საბჭოს წევრი. 2015-17 წლებში იყო პროპაგანდის წინააღმდეგ საერთაშორისო კომისიის წევრი. მონაწილეობა აქვს მიღებული არაერთ საერთაშორისო სემინარსა და კონფერენციაში.

საბა ჩიხლაძე - 2016 წლიდან არის "რადიო თავისუფლების" სოციალური მედიის მენეჯერი. ციფრული კომუნიკაციებში სფეროში მუშაობს 2012 წლიდან. ამ პერიოდის განმავლობაში სხვადასხვა კომერციულ და არასამთავრობო ორგანიზაციებში იკავებდა სოციალური მედიის მენეჯერისა და კონსულტანტის პოზიციას. პერიოდულად ატარებს ტრენინგებს სოციალური მედიისა და ციფრული კომუნიკაციების შესახებ.

შემოგვიერთდით Facebook-ზე

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.

ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.