კატეგორია : ანონსი;
საქართველოს ჟურნალისტური ეთიკის ქარტია იწვევს მედიის წარმომადგენლებს უსაფრთხოების საკითხების ტრენინგში მონაწილეობის მისაღებად.
ჩატარდება 2 ტრენინგი. პირველი 2022 წლის 22-24 მარტს, ხოლო მეორე 2022 წლის 28-30 მარტს.
ტრენინგის პირველი და მეორე დღე გაიმართება თბილისში, ხოლო მესამე დღე თეთრიწყაროში.
3 დღიანი ტრენინგ-კურსი მოიცავს როგორც თეორიულ, ასევე პრაქტიკულ სწავლებას. რისკების შეფასება და მართვა, დემონსტრაციების უსაფრთხოდ გაშუქება, პირველადი გადაუდებელი დახმარების აღმოჩენა, ციფრული უსაფრთხოება - მონაწილეები ამ თემების შესახებ მიიღებენ ინფორმაციას. ასევე, კურსის ფარგლებში გათვალისწინებულია სიმულაციური თამაშები, მტრულ გარემოში მუშაობის იმიტაცია და ა.შ.
სწავლებას ფოტოჟურნალისტი დავით მძინარიშვილი, SAFE Initiative-ის რისკების მართვის ტრენერი გიორგი კუპატაძე და უსაფრთხოების საკითხების სპეციალისტი ირაკლი ანდრონიკაშვილი გაუძღვებიან.
ტრენინგში მონაწილეობის მიღება არის უფასო. PCR ტესტირების ხარჯი
ანაზღაურდება.
რეგისტრაცია შეგიძლიათ გაიაროთ ბმულზე - https://bit.ly/34nmGFM
განაცხადის მიღების ბოლო ვადაა 2022
წლის 15 მარტი.
უსაფრთხოების ტრენინგები ტარდება საქართველოს ჟურნალისტური ეთიკის ქარტიის ორგანიზებით, გაერთიანებული სამეფოს საელჩოს საქართველოში და Thomson Reuters-ის ფონდის თანამშრომლობის და ფინანსური მხარდაჭერის ფარგლებში.
