მოვუწოდებთ მედიას დაიცვას პირადი ცხოვრების ხელშეუხებლობის უფლება
13.09.2021

კატეგორია : განცხადებები;
2021 წლის 13 სექტემბერს, მედიამ გამოაქვეყნა ინფორმაცია იმის შესახებ, რომ ერთ-ერთ ღია ონლაინ-რესურსზე ხელმისაწვდომია სასულიერო პირების პირადი კომუნიკაციის, სავარაუდოდ, ფარულად და უკანონოდ გაკეთებული ჩანაწერები. ზოგიერთ მასალაში შესაძლებელია კონკრეტული სასულიერო პირების იდენტიფიცირება.

ჟურნალისტური ეთიკის ქარტია საჭიროდ მიიჩნევს კიდევ ერთხელ აღნიშნოს, რომ ადამიანის პირად ცხოვრებაში შეჭრა და მისი იდენტიფიცირება გამართლებულია მხოლოდ იმ შემთხვევაში, როდესაც მოპოვებული ინფორმაციის მიმართ არსებობს დადასტურებადი მაღალი საჯარო ინტერესი.

ქარტიას მიაჩნია, რომ მედიამ განსაკუთრებული სიფრთხილე უნდა გამოიჩინოს ამ თემის გაშუქებისას. პირადი ცხოვრების ამსახველი მონაცემების თუ კონკრეტული სასულიერო პირების ვინაობის გასაჯაროების შემთხვევაში ჟურნალისტები დარწმუნებულები უნდა იყვნენ, რომ ეს ინფორმაცია მართლაც საზოგადოებრვ ღირებულებასა და საჭიროებას წარმოადგენს და არ ქვეყნდება მხოლოდ იმისათვის, რომ დააკმაყოფილოს სახალხო ცნობისმოყვარეობა.

ქარტია შეახსენებს, და მოუწოდებს მედიას დაიცვას პირადი ცხოვრების უფლება და საჭიროების გარეშე არ გაასაჯაროოს ჩანაწერები და მასში მონაწილე პირების ვინაობა.

შემოგვიერთდით Facebook-ზე

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.

ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.