საქართველოს ჟურნალისტური ეთიკის ქარტიის სამდივნომ რუსთავი 2-ის ჟურნალისტების წინააღმდეგ განცხადება დასაშვებად ცნო. 

გადაცემა „ღამის პრაიმ-თაიმი” 2022 წლის 31 მაისს გავიდა ეთერში. 

განმცხადებლის, ორგანიზაცია „ქალები საერთო მომავლისთვის (WECF) - საქართვველო”, პოზიციით, სადავო მასალაში ფემიციდის შემთხვევა არასწორად და არაეთიკურად გაშუქდა. განმცხადებელი მიიჩნევს, რომ გადაცემამ ქალის ობიექტივიზაციას და სტერეოტიპების გამყარებას შეუწყო ხელი. 

განმცხადებელი დავობს ქარტიის მეშვიდე (დისკრიმინაცია) და მეათე (პირადი ცხოვრების ხელშეუხებლობა) პრინციპის დარღვევაზე. 

ქარტიის საბჭო განცხადებას ღია სხდომაზე განიხილავს და გადაწყვეტს დაირღვა თუ არა ქარტიის პრინციპები.