საქართველოს ჟურნალისტური ეთიკის ქარტიის სამდივნომ დასაშვებად ცნო გიორგი ჭანტურიას განცხადება ტელეკომპანია “ფორმულას” ჟურნალისტის თამარ თედიაშვილის წინააღმდეგ.

სადავო სიუჟეტი “ე.წ. ქურდული სიმღერები საჯარო სკოლაში” ტელეკომპანიის ეთერში 2022 წლის 14 იანვარს გავიდა.

განმცხადებლის პოზიციით, სადავო სიუჟეტში გაჟღერებული ინფორმაცია, რომ ბავშვები ქურდული სამყაროს პროპაგანდას ეწევიან და კანონს არღვევენ არასწორია.

განმცხადებელი დავობს ქარტიის შემდეგი პრინციპების დარღვევაზე:

• პირველი - ინფორმაციის სიზუსტე;
• მერვე - ბავშვთა უფლებები;
• მეათე -პირადი ცხოვრების ხელშეუხებლობა;
• მეთერთმეტე - ფაქტის განზრახ დამახინჯება.

ქარტიის საბჭო განცხადებას ღია სხდომაზე განიხილავს და გადაწყვეტს დაირღვა თუ არა ქარტიის პრინციპები.