საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია “ფორმულას” წამყვანმა ბაია დვალიშვილმა ქარტიის პირველი (ინფორმაციის სიზუსტე) პრინციპი დაარღვია.

მის წინააღმდეგ ქარტიას გიორგი ფეიქრიშვილმა მომართა. სადავო ჟურნალისტური პროდუქტი ტელეკომპანიის ეთერში, გადაცემაში "ბაიასთან" 2020 წლის 30 ნოემბერს გავიდა.

განმცხადებელი განმარტავდა, რომ სიუჟეტში გადმოცემული ინფორმაცია მასზე, როგორც მოძალადეზე სიმართლეს არ შეესაბამებოდა, ჟურნალისტს კი არ უცდია სიზუსტის მასთან, როგორც მხარესთან გადამოწმება.

მხარე ასევე დავობდა ქარტიის მეხუთე (შესწორება), მეათე (პირადი ცხოვრების ხელშეუხებლობა) და მეთერთმეტე (ფაქტის განზრახ დამახინჯება) პრინციპების დარღვევაზე, მაგრამ საბჭოს ამ ნაწილებზე დარღვევა არ დაუდგენია.

გადაწყვეტილების სამოტივაციო ნაწილი მოგვიანებით გამოქვეყნდება.