საქართველოს ჟურნალისტური ეთიკის ქარტიის საბჭო 15 ივლისს 1 საქმეს ონლაინ განიხილავს:

18:00 საათზე - ანა აფციაური ტელეკომპანია „იმედის” ჟურნალისტების მარიკა ბაკურაძის და ნიკოლოზ წულუკიძის წინააღმდეგ

სადავო ჟურნალისტური პროდუქტი (ნაწილი 1, ნაწილი 2) ეთერში 2021 წლის 15 მარტს გავიდა და ჩოგბურთელი ნიკოლოზ ბასილაშვილის გამარჯვებასა და მის წინააღმდეგ წარმოებულ სისხლის სამართლის საქმეს ეხებოდა. განმცხადებლის განმარტებით, ჟურნალისტების დამოკიდებულება დისკრიმინაციას ახალისებდა. 

მხარე თვლის, რომ დარღვეულია ქარტიის მეშვიდე (დისკრიმინაცია) პრინციპი. 

სხდომა გაიმართება ონლაინ, პროგრამა Zoom-ის მეშვეობით. სხდომაზე დასწრების მსურველებმა შეგიძლიათ მოთხოვნა გამოაგზავნოთ ელექტრონულ ფოსტაზე - ethicscharter@gmail.com

საქმის განხილვა ღიაა და ნებისმიერ მსურველს შეუძლია დასწრება.