11.04.2021
კატეგორია : განცხადებები;
გავრცელებული ინფორმაციის თანახმად, შინაგან საქმეთა სამინისტროს
წარმომადგენლები ჟურნალისტებს ნამახვანში შესვლის და მუშაობის უფლებას
არ აძლევენ. ,,ბათუმელების” ინფორმაციით, პოლიციამ გუმათჰესთან
მოწყობილ სასაზღვრო-გამშვებ პუნქტზე შეაჩერა ყველა გადამღები ჯგუფი და
მათ გადაადგილების უფლებას არ აძლევს. ამ ეტაპზე უცნობია, რა მიზეზით
იზღუდება ჟურნალისტების გადაადგილება.
ჟურნალისტური ეთიკის ქარტია
მოუწოდებს ხელისუფლებას, ჟურნალისტებს არ შეუშალოს ხელი
გადაადგილებაში და უზრუნველყოს მათთვის ინფორმაციის
ხელმისაწვდომობა.
მოვუწოდებთ სამართალდამცავ
ორგანოებს არ ჩაერიონ ჟურნალისტურ საქმიანობაში და მედიას შეუქმნან
შესაბამისი სამუშაო პირობები.
