ქარტიის საბჭოს განცხადება გიორგი გირკელიძის საქმესთან დაკავშირებით
18.09.2017

კატეგორია : განცხადებები;
საქართველოს ჟურნალისტური ეთიკის ქარტია სოლიდარობას უცხადებს „გურია ნიუსის“ ჟურნალისტს გიორგი გირკელიძეს, რომელსაც ოზურგეთის მერობის კანდიდატმა გაერთიანებული ოპოზიციიდან გოჩა ძიმისტარაშვილმა საკუთარ ფეისბუქ პოსტით ბრალი დასდო ქართული ოცნების“ მერობის კანდიდატის და სპეცსამსახურის დაკვეთით ცილისმწამებლური სტატიის გამოქვეყნებაში, ამასთან შეეხო მის ჯანმრთელობის მდგომარეობასაც.

ჟურნალისტური ეთიკის ქარტია, როგორც მედიაგარემოს გაუმჯობესებაზე მომუშავე ორგანიზაცია მიუღებლად მიიჩნევს საჯარო პირების, პოლიტიკოსების თუ საარჩევნო სუბიექტების მიერ ჟურნალისტის დისკრედიტაციას და დაუსაბუთებელ ბრალდებებს. დაუშვებელია ჯანმრთელობის საკითხებით მანიპულირება. იმისათვის, რომ წინასაარჩევნო პერიოდში შენარჩუნებული იყოს ჯანსაღი მედიაგარემო და ამომრჩევლებმა მიიღონ საჭირო ინფორმაცია გაცნობიერებული გადაწყვეტილების მისაღებად, აუცილებელია უზრუნველყოფილი იყოს ჟურნალისტების თავისუფალი და უსაფრთხო მუშაობა.

შემოგვიერთდით Facebook-ზე

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.

ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.