საქართველოს ჟურნალისტური ეთიკის ქარტიას განცხადებით მომართა დავით ნატროშვილმა “ტაბულას” მთავარი რედაქტორის ლევან სუთიძის წინააღმდეგ.

სადავო მასალა “ტაბულას” სოციალურ ქსელში 2026 წლის 23 ივნისს გამოქვეყნდა სათაურით: “დავით ნატროშვილის Instagram პოსტი თემურ უგულავას გარდაცვალების შემდეგ”.

განმცხადებელი მიიჩნევს, რომ სადავო მასალაში ქარტიის პირველი (სიზუსტე), მე-5 (შესწორება), მე-10 (პირადი ცხოვრების ხელშეუხებლობა) და მე-11 (ფაქტის განზრახ დამახინჯება) პრინციპები დაირღვა.

მოპასუხედ “ტაბულას” მთავარი რედაქტორი ლევან სუთიძე განისაზღვრა.

ქარტიის საბჭო განცხადებას ღია სხდომაზე განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.