საქართველოს ჟურნალისტური ეთიკის ქარტიის საბჭო ხუთშაბათს, 6 მარტს, ონლაინ გამოცემა 24news.ge-ს ხელმძღვანელის აზერ მამედოვის წინააღმდეგ შემოსულ განცხადებას განიხილავს.

19:00 საათზე - მარიამ სამხარაძე აზერ მამედოვის წინააღმდეგ.

სადავო სიუჟეტი 24news.ge-ს ფეისბუქ გვერდზე 2025 წლის 4 იანვარს გამოქვეყნდა.

განმცხადებელი მიუთითებს, რომ მცდარია სიუჟეტში გაჟღერებული ინფორმაცია, “თითქოს „დემოკრატიული ჩართულობის ცენტრების ქსელის“ მარნეულის ოფისი (სიუჟეტში არასწორად მოხსენიებული, როგორც USAID-ის მარნეულის ოფისი) რაიმე ფორმით ჩართულია მარნეულში მცხოვრები ეთნიკურად აზერბაიჯანელების საქართველოს პოლიტიკურ პროცესებში ჩართვასა და მათ ფინანსურ წახალისებაში.” 

განმცხადებელი მიიჩნევს, რომ  სადავო სიუჟეტში ჟურნალისტმა ქარტიის პირველი (სიზუსტე) და მეხუთე (შესწორება) პრინციპები დაარღვია.

ქარტიის საბჭო განცხადებას განიხილავს და გადაწყვეტს, დაირღვა თუ არა სადავო ჟურნალისტურ პროდუქტში ქარტიის პრინციპები.

სხდომა წარიმართება ონლაინ რეჟიმში, პლატფორმა ZOOM-ის მეშვეობით. საქმის განხილვა ღიაა და ნებისმიერ მსურველს შეუძლია დასწრება. სხდომაზე დასწრებისთვის საჭირო მონაცემების მისაღებად, მოგვწერეთ მეილზე: ethicscharter@gmail.com.