საქართველოს ჟურნალისტური ეთიკის ქარტიამ ქარტიის პრიზი 2021-ის გამარჯვებულები გამოავლინა.
ქარტიის პრიზი ხუთ კატეგორიაში გაიცა:

• ვიდეორეპორტაჟი - ბასტი მგალობლიშვილი (პუბლიკა)
• მულტიმედია პროექტი - მთის ამბები 
• სტატია ან ნარკვევი ბეჭდურ ან ონლაინ მედიაში - ეკა ქევანიშვილი (რადიო თავისუფლება)
• ჟურნალისტური გამოძიება - ნინო წვერავა (სტუდია მონიტორი, რადიო თავისუფლება)
• ქალთა უფლებებისა და გენდერული თანასწორობის გაშუქება - ანი ბურდული (რადიო თავისუფლება)

პირველ ოთხ კატეგორიაში კონკურსი გამოცხადებული იყო აშშ-ს საელჩოს დემოკრატიის კომისიის მცირე გრანტების პროგრამის მხარდაჭერით, ხოლო ქალთა უფლებებისა და გენდერული თანასწორობის გაშუქების კატეგორიაში ევროკავშირისა და UN Women-ის მხარდაჭერით.

გამარჯვებულებს საჩუქრად ქარტიის სპეციალური პრიზები და ლეპტოპები გადაეცათ.

გამარჯვებულები შეარჩია დამოუკიდებელმა ჟიურიმ. ჟურნალისტური პროდუქტის შერჩევის მთავარი კრიტერიუმი იყო პროფესიული და ეთიკური სტანდარტები, რასაც ეფუძნება საქართველოს ჟურნალისტური ეთიკის ქარტია.