21 სექტემბერს ქარტიის საბჭო ერთ საქმეს განიხილავს
19.09.2021

საქართველოს ჟურნალისტური ეთიკის ქარტიის საბჭო 21 სექტემბერს 1 საქმეს ონლაინ განიხილავს: 

18:00 საათზე - აი, ფაქტი ტელეკომპანია „პირველის" ჟურნალისტის სოფო ნიაურის წინააღმდეგ

სადავო მასალა ტელეკომპანია „პირველის” ეთერში 2021 წლის 23 მაისს გავიდა. სიუჟეტი კასპში გზის რეაბილიტაციას და კომპანია „ჰაიდელბერგცემენტ ჯორჯიას” ეხებოდა.

განმცხადებლების პოზიციით, სიუჟეტში ზემოაღნიშნულ კომპანიასთან დაკავშირებით გავრცელებული ინფორმაცია არაზუსტია. გარდა ამისა, მხარის თქმით, ტელეკომპანია „პირველის" ჟურნალისტმა თავის მასალაში გამოიყენა „აი, ფაქტის” ვებგვერდზე გამოქვეყნებული სტატია ისე, რომ მასალის პირველწყაროს შესახებ არ მიუთითებია.

განმცხადებლები თვლიან, რომ დარღვეულია ქარტიის პირველი (ინფორმაციის სიზუსტე) და მეთერთმეტე (ფაქტის განზრახ დამახინჯება) პრინციპი. 

სხდომა გაიმართება ონლაინ, პროგრამა Zoom-ის მეშვეობით. სხდომაზე დასწრების მსურველებმა შეგიძლიათ მოთხოვნა გამოაგზავნოთ ელექტრონულ ფოსტაზე - ethicscharter@gmail.com

საქმის განხილვა ღიაა და ნებისმიერ მსურველს შეუძლია დასწრება.

შემოგვიერთდით Facebook-ზე

ქარტიაში განცხადების შემოტანა შეუძლია ნებისმიერ მოქალაქეს, რომელიც მიიჩნევს, რომ ჟურნალისტმა დაარღვია ეთიკური და პროფესიული სტანდარტები. ქარტიის საბჭო იხილავს განცხადებებს როგორც ქარტიის წევრი, ისე არაწევრი ჟურნალისტების მიმართ.

ჩამოტვირთეთ PDF ვერსია

ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე.