ზვიად ქორიძე - ჟურნალისტური ეთიკის საბჭოს წევრი
ლექტორი კავკასიის უნივერსიტეტის მედიის სკოლასა და GIPA-ში. არის რამდენიმე კვლევისა და კანონპროექტის ავტორი.

სხვადასხვა დროს იყო გაზეთ „7 დღის" ერთ-ერთი დამფუძნებელი და თანარედაქტორი, ასევე „საქართველოს გაზეთის" მთავარი რედაქტორი, ხელმძღვანელობდა „რუსთავი-2"-ის, „იმედის" და პირველი არხის საინფორმაციო სამსახურებს, მუშაობდა პროდიუსერად და წამყვანად სხვადასხვა მედიასაშუალებაში.
 
თავიდანვე იყო ჩართული BBC World Service Trust-ისა და სტუდია „რეს" ერთობლივ პროექტში „ვაკეთებთ სათემო რადიოს" და არის ნინოწმინდისა და მარნეულის სათემო რადიოების კონსულტანტი. 
 
2014-2018 წლებში იყო საქართველოს პრეზიდენტთან არსებული შეწყალების საკითხთა კომისიის თავმჯდომარე.

2011-2012 წლებში ზვიად ქორიძე იყო ჟურნალისტური ეთიკის ქარტიის საბჭოს თავმჯდომარე. ქარტიის საბჭოს წევრად აირჩიეს მეორედ, 2020 წლის 19 დეკემბერს, ქარტიის საერთო კრებაზე.